ರಾತ್ರಿ ಚಾರಣ - ಮಾಲೆಕಲ್ಲು ತಿರುಪತಿ - 24, 25 ಡಿಸೆಂಬರ್ 2012

ಮಾಲೆಕಲ್ಲು ತಿರುಪತಿ ಬೆಟ್ಟ:
ಮಾಲೆಕಲ್ಲು ಬೆಟ್ಟದ ಲಕ್ಷ್ಮಿ ವೆಂಕಟೇಶ್ವರ ದೇವಾಲಯವು "ಅಮರಗಿರಿ ಮಾಲೆಕಲ್ಲು ತಿರುಪತಿ"ಯೆಂದೇ ಪ್ರಸಿದ್ಧಿ. ಹಾಸನ ಜಿಲ್ಲೆಯ ಅರಸೀಕೆರೆಯಲ್ಲಿ ನೆಲೆಗೊಂಡಿರುವ ಈ ದೇವಾಲಯವು 1250 ಮೆಟ್ಟಿಲುಗಳನ್ನು ಹೊಂದಿದ್ದು, ಹೊಯ್ಸಳರ ಕಾಲದ್ದೆಂದು ಐತಿಹ್ಯವಿದೆ.

ಸ್ಥಳ ಪುರಾಣ:
ಸುಮಾರು 800 ವರ್ಷಗಳ ಹಿಂದೆ ಲಕ್ಷ್ಮಿ ನಾರಾಯಣನು ಚಿತ್ರದುರ್ಗದ ಪಾಳೇಗಾರನಾದ ತಿಮ್ಮಪ್ಪ ನಾಯಕನ ಕನಸಿನಲ್ಲಿ ಕಾಣಿಸಿಕೊಂಡು, ತಾನಿರುವ ಸ್ಥಳಕ್ಕೆ ಬಂದು ತನ್ನನ್ನು ಮೇಲೆತ್ತಲು ಹೇಳಿ, ಕೆಲ ಸೂಚನೆಗಳನ್ನು ನೀಡುತ್ತಾನೆ. ಅಂತೆಯೇ ತುಳಸೀ ಮಾಲೆಯ ರೂಪದಲ್ಲಿ ಬೆಟ್ಟದ ಕಲ್ಲುಗಳ ಮೇಲೆ ನಿರ್ಮಿತವಾದ ದಾರಿಯಲ್ಲಿ ನಡೆಯುತ್ತಾ ಸ್ವಾಮಿ ನೆಲೆಸಿರುವ ಜಾಗವನ್ನು ಅರಿತು ತಿಮ್ಮಪ್ಪ ನಾಯಕನು ಬೆಟ್ಟದ ಮೇಲೆ ಮತ್ತು ಕೆಳಗೆ ದೇವಾಲಯಗಳನ್ನು ನಿರ್ಮಿಸುತ್ತಾನೆ. ತುಳಸೀಮಾಲೆಯ ಹಾದಿಯಿದ್ದುದ್ದರಿಂದ " ಮಾಲೆಕಲ್ಲು ತಿರುಪತಿ" ಎಂಬ ಹೆಸರು ಬಂದಿದೆ.

ಮಾಲೆಕಲ್ಲು ತಿರುಪತಿ ಬೆಟ್ಟ

ಮಾಲೆಕಲ್ಲು ತಿರುಪತಿ ಬೆಟ್ಟ

 

ಲಕ್ಷ್ಮಿ ವೆಂಕಟೇಶ್ವರ ದೇವಾಲಯ

ಶಿವಾಲಯ( ಚಂದ್ರ ಮೌಳೇಶ್ವರ ದೇವಸ್ಥಾನ):
ಮುಜ್ರಾಯಿಗೆ ಸೇರಿದ ಈ ದೇವಸ್ಥಾನವೂ ಸಹ ಅರಸೀಕೆರೆಯಲ್ಲೇ ಸ್ಥಾಪಿತಗೊಂಡಿದ್ದು, ಕ್ರಿ. ಶ. 1200 ಕ್ಕೂ ಹಿಂದಿನ ದೇವಾಲಯವೆಂದು ಅಲ್ಲಿರುವ ಶಾಸನವೊಂದು ಹೇಳುತ್ತದೆ. ಶಿವಲಿಂಗ ಮೂರ್ತಿ,  ಕಲ್ಲು ಬಸವ ಮತ್ತು ಬಳಪದ ಕಲ್ಲಿನಿಂದ ನಿರ್ಮಿತವಾದ ಕಂಬಗಳಿಂದ ಕೂಡಿದ ಈ ಸುಂದರ ದೇವಾಲಯವು ನಿಮ್ಮ ಕ್ಯಾಮೆರಾ ಕೈ ಚಳಕವನ್ನು ತೋರಿಸಲು ಅತ್ಯುತ್ತಮ ಸ್ಥಳವಾಗಿದೆ.

ಚಂದ್ರಮೌಳೇಶ್ವರ ದೇವಾಲಯ, ಅರಸೀಕೆರೆ

ಚಾರಣದ ನನ್ನ ಅನುಭವ:
Bangalore Ascenders (BASC - www.bangaloreascenders.org) ಇಂದ ದಿನಾಂಕ 24 ಡಿಸೆಂಬರ್ 2012ರ ರಾತ್ರಿ ಎಲ್ಲರೂ ಬೆಂಗಳೂರಿನ ರಾಜಾಜಿ ನಗರದ ನವರಂಗ್ ಚಿತ್ರಮಂದಿರದ ಬಳಿ 9:30ಕ್ಕೆ  ಬರಲು ಇ- ಮೇಲ್  ನಲ್ಲಿ ತಿಳಿಸಿದ್ದೆ. ಅಂತೆಯೇ ಸಮಯಕ್ಕೆ ಸರಿಯಾಗಿ ಅಲ್ಲಿ ಸೇರಿದ ನಾವು ಬೆಂಗಳೂರು ಬಿಡುವಷ್ಟರಲ್ಲಿ ಸಮಯ 10:10. ಯಶವಂತಪುರದಲ್ಲಿ ನಮ್ಮ ಬರುವಿಕೆಗಾಗಿ ಕಾಯುತ್ತಿದ್ದ 6 ಮಂದಿಯನ್ನು ಹತ್ತಿಸಿಕೊಂಡು ಒಟ್ಟಾರೆ 22 ಚಾರಣಿಗರು ಅರಸೀಕೆರೆಯತ್ತ ಪ್ರಯಾಣ ಬೆಳೆಸಿದೆವು.
ಬಸ್ಸಿನಲ್ಲಿ  BASCನ ನಿಯಮದಂದೆ ಎಲ್ಲರಿಂದಲೂ INDEMNITY BONDಗೆ ಸಹಿ ಪಡೆದು ಸ್ವ-ಪರಿಚಯವನ್ನು ಮಾಡಿಕೊಳ್ಳಲು ಹೇಳಿದೆವು ಮತ್ತು ಪರಿಚಯದಲ್ಲಿ ತಮ್ಮ ಹೆಸರಿನ ಪಕ್ಕದಲ್ಲಿ ಒಂದು ಉಪನಾಮವನ್ನು ಹೇಳಬೇಕೆಂದು ತಿಳಿಸಿದೆವು. ( ಷರತ್ತು - ಉಪನಾಮ ಕೆಟ್ಟದ್ದಾಗಿರಬೇಕು). ವಿನೋದದ ರೀತಿಯಲ್ಲೇ ಷರತ್ತನ್ನು ಸ್ವೀಕರಿಸಿದ ಸ್ನೇಹಿತರು ತಮ್ಮ ಉಪ ನಾಮಗಳನ್ನು ಖುಷಿಯಿಂದಲೇ ಹೇಳಿಕೊಂಡರು.
ಸ್ವ-ನಾಮಕರಣದ ಪಟ್ಟಿ ಇಂತಿದೆ:

• ಅಸಹ್ಯ ಅರುಣ್ - ತಾನು ಸೋಂಬೇರಿಯೆಂದು ಎದೆ ತಟ್ಟಿ ಹೇಳಿಕೊಳ್ಳುವ ಎದೆಗಾರಿಕೆಯುಳ್ಳವ.
• ಮಾರಿಮುತ್ತು ಸಂಧ್ಯ - ಅಕ್ಕ ಫುಲ್ ಹೆದ್ರುಸ್ತಾಳಪ್ಪ ( ಎಲ್ಲ್ರುಗು ಹವಾ ಮಾಡ್ಗಿದ್ಲು ಚಾರಣದಲ್ಲಿ)
• ಚಿಂಗಿ ರಾಹುಲ್ - ಮೂಲತಃ ನಾಗಲ್ಯಾಂಡ್ ರಾಜ್ಯದವನಾದ ಈತನ ಕನ್ನಡ ಮಾತನಾಡುವ ಶೈಲಿಯನ್ನು ಕೇಳುವುದೇ ಮಜಾ( ಕನ್ನಡ ನಟಿ ಪೂಜಾ ಗಾಂಧಿಯನ್ನು ನೆನಪಿಸುತ್ತಾನೆ)
• ರೌಡಿ ರಮ - ಗಾತ್ರದಲ್ಲಿ, ಆವಾಜ್ ಹಾಕುವುದರಲ್ಲಿ ನನ್ನ ಪ್ರತಿಸ್ಪರ್ಧಿ
• ಹರಾಮಿ ಹರ್ಷ - ತುಂಬಾ ಬಲಶಾಲಿ ( ಇಲ್ಲದಿದ್ರೆ ವೆಂಕಟೇಶ್ವರ ಚಾರಣದಲ್ಲಿ ಡೋಲಿ ಹೊರಲು ಆಗುತ್ತಿತ್ತೇ !! )
• ಪಂಗನಾಮ ಜಗದೀಶ್ - ತಿರುಪತಿ ತಿರುಮಲ ವೆಂಕಟೇಶ ( ಮೂಲತಃ ತಿರುಪತಿಯವನು)
• ಯಕ್ಕುಟ್ಟೋಗಿರೋ ವಿಶ್ವಾಸ್ M - ಟೊಮೇಟೊ ಹುಡುಗ ( ಬೆಟ್ಟದ ಮೇಲೆ ಮ್ಯಾಗಿ ತಯಾರಿಸಲು ಟೊಮೇಟೊ ಕೊಂಡು ತಂದಿದ್ದ)
• ವೋಡ್ಕಾ ವಿನಯ್ - ಫುಲ್ ಡ್ರಾಮಾ - ( ನಾಟಕ ಅಭ್ಯಾಸ ಮಾಡುತ್ತಿದ್ದಾನೆ - LKG ಅಷ್ಟೇ ಇನ್ನು)
• ಪೇಪರ್ ಪಡ್ಡು ( ಸುಧೀಂದ್ರ) - MINDTREE ನಲ್ಲಿ ಉದ್ಯೋಗಿ, Notice Serve ಮಾಡ್ಯಾನೆ ( ಕ್ಷಮಿಸಿ ತರ್ಜುಮೆ ಮಾಡಿ ಕನ್ನಡಾನ ಗಬ್ಬೆಬ್ಬ್ಸಕ್ಕೆ ಇಷ್ಟ ಇಲ್ಲ)
• ILLEGAL ಶೃತಿ - ಪೂಟ್ ಲಾಯ್ರಿ, ಎಲ್ಲದುಕ್ಕು ಲಾ ಪಾಯಿಂಟು, ಸೆಕ್ಷನ್ನು ಅನ್ತಿರ್ತಾಳೆ.
• ನಾಗೇಂದ್ರ ಅಲಿಯಾಸ್ ಬ್ಲೇಡ್ ನಾಗ - ಇವನು ಹಾಸ್ಯ ಮಾಡೋವಾಗ ಇವನ ಸಮಯ ಸ್ಪೂರ್ತಿಗೆ ಯಾರದ್ರೂ ತಲೆದೂಗ್ಲೇ ಬೇಕು.
• ಕಿತ್ತೋಗಿರೋ ವಿಶ್ವಾಸ್ HK - ಉತ್ತಮ ಹಾಡುಗಾರ( ತಾನೇ ಮುಂದೆ ಬಂದು ಹಾಡುತ್ತೇನೆಂದು ಹೇಳಿದ) ಹಾಗು ಛಾಯಾಗ್ರಾಹಕ
• ಧಬಾಂಗ್ ಅಶುತೋಷ್ - ಮನಮೋಹನ್ ಸಿಂಗ್ ರವರ ಅಪರಾವತಾರ ( ಬಾಯೇ ಬಿಡಲ್ಲ ಅನ್ನುತ್ತೆ ಪಾರ್ಟಿ)
• ರಾಮ್ ಕುಮಾರ್ ಅಲಿಯಾಸ್ ಬಾಬಾ ರಾಮ್ - ಬಾಬಾ ಚಿಹ್ನೆಗೆ ಪೇಟೆಂಟ್ ಮಾಡಿಸ್ಕೊಂಡಿದಾರೆ so ನಾವು ನಮ್ ಬಾಯಿಗೆ ZIP ಹಾಕಿಕೊಳ್ಳೋದು ಉತ್ತಮ.
• ರಾಸ್ಕಲ್ ರೋಹಿತ್ - ಅಬ್ಬಾ ಮತ್ತೊಬ್ಬ ನಾಗೇಂದ್ರನ ಸಾಥಿ - ಹಾಸ್ಯ ಚಕ್ರವರ್ತಿ
• ಸಪ್ಪೆ ಸಪ್ನಾ - ಡಾಕುಟ್ರಮ್ಮ ( ವಯಸ್ಸು 18, ನೋಡಲು ಗೋದಿ ಮೈ ಬಣ್ಣ ಹೊಂದಿದ್ದು, ಸದಾ ಹಸನ್ಮುಖಿಯಾಗಿರುವ ಇವರು ಕನ್ನಡ, ಆಂಗ್ಲ ಭಾಷೆಗಳನ್ನು ಬಲ್ಲವರಾಗಿರುತ್ತಾರೆ)
• ಕಪ್ಪ ಅರವಿಂದ್ - ತಮಿಳಿಗನಾದ ಈತ, ಕನ್ನಡದ ಐತಿಹಾಸಿಕ ಚಿತ್ರ ಸಂಗೊಳ್ಳಿ ರಾಯಣ್ಣ ಚಿತ್ರದ ಸಾಲೊಂದನ್ನು ಹೇಳಿದ ( ಕಪ್ಪ ಬೇಕಾ ಕಪ್ಪ - ಈ ಸಾಲು ನಿಮಗೆ ರಾಗಿಣಿ ನಟಿಸಿರುವ ತುಪ್ಪ ಬೇಕಾ ತುಪ್ಪ ಹಾಡನ್ನು ನೆನಪಿಗೆ ತಂದರೆ ರೇಣುಕಾಚಾರ್ಯ, ನರ್ಸ್ ಜಯಲಕ್ಷ್ಮಿ ಮೇಲೆ ಆಣೆ ನಾನು ಜವಾಬ್ದಾರಳಲ್ಲ!!)
• ಮೊಟ್ಟೆ ಸುನೀಲ್ - ಅರಸೀಕೆರೆ ಅಣ್ಣಾ - ಈ ಚಾರಣದ ಸಹ-ರೂವಾರಿ - ತಮ್ಮ ಬಕ್ಕ ತಲೆಯ ಮೇಲೆ ಬಹಳವೇ ಅಭಿಮಾನವನ್ನು ಬೆಳೆಸಿಕೊಂಡಿದ್ದಾರೆ --- I LIKE IT KAANTAA
• ಚಂದ್ರ ಶೇಖರ್ ಅಲಿಯಾಸ್ ಮೊಗ್ಯಾಂಬೊ ಶೇಖರ್ - ಇವರನ್ನು ಕರ್ನಾಟಕದ ಪ್ರವಾಸೀ ತಾಣಗಳ WIKIPEDIA ಎಂದರೆ ಅತಿಶಯೋಕ್ತಿಯಾಗಲಾರದು.
• ಮೊಗ್ಲಿ ನಿರಂಜನ್ - ತನ್ನ ವಿಶಿಷ್ಟ ಶೈಲಿಯ ನೃತ್ಯದಿಂದ ಎಲ್ಲರ ಮನ ಸೂರೆಗೊಂಡನು.( ಜಂಗಲ್ ಬುಕ್ ಹಾಡನ್ನು ನೃತ್ಯ ಮಾಡಿ ತೋರಿಸಿಕೊಟ್ಟ)
• ಪೆಡಲ್ ಶುಭ - ಸೈಕಲ್ ಎಂದರೆ ಪ್ರಾಣ ಹಾಗಾಗಿ ಪೆಡಲ್ ಎನ್ನುವ ನಾಮಕರಣ.

ಈ ರೀತಿಯಾಗಿ ನಮ್ಮ ಪಯಣವನ್ನು ಮುಂದುವರೆಸಿದ ನಾವು ಅರಸೀಕೆರೆಯ ಮಾಲೆಕಲ್ಲು ತಿರುಪತಿ ಬೆಟ್ಟದ ಬುಡವನ್ನು ತಲುಪುವಷ್ಟರಲ್ಲಿ ಸಮಯ ಬೆಳಗ್ಗೆ 2 ಗಂಟೆ( 25 ಡಿಸೆಂಬರ್ 2012).
ತುಂಬು ಚಂದಿರನು ತನ್ನ ಬೆಳದಿಂಗಳನ್ನು ಚೆಲ್ಲಿ ತೋರಿಸಿಕೊಟ್ಟ ದಾರಿಯಲ್ಲಿ ಮೆಟ್ಟಿಲುಗಳನ್ನು ಹತ್ತುತ್ತ ಸಾಗಿ ಮೇಲಿರುವ ದೇವಾಲಯವನ್ನು ತಲುಪುವಷ್ಟರಲ್ಲೂ ಗಡಿಯಾರ 3 ಗಂಟೆ ತೋರಿಸುತ್ತಿತ್ತು.
ಎಲ್ಲರೂ ಅವರವರಿಗೆ ವಹಿಸಿದ್ದ ಅಡುಗೆ ಸಾಮಗ್ರಿ, ಪದಾರ್ಥಗಳನ್ನು ಹೊರತೆಗೆದರು( ತರಕಾರಿಗಳು, ಪಾತ್ರೆ, ಅಡಿಕೆ ಪಟ್ಟಿಯ ತಟ್ಟೆ)
ಪಾಕ ಕ್ರಾಂತಿ ಶುರು ...

ಮಾಲೆಕಲ್ಲು ಬೆಟ್ಟ - ಪಾಕ ಕ್ರಾಂತಿ

ಮಾಲೆಕಲ್ಲು ಬೆಟ್ಟ - ಬಿಸಿ ಬಿಸಿ ಮ್ಯಾಗಿ

ತರಕಾರಿ ಹೆಚ್ಚಿ, ಮ್ಯಾಗಿ ಮಾಡಿ ತಿಂದು ಆ ನಡುಗುವ ಚಳಿಯಲ್ಲಿ ಹೊದಿಕೆಗಾಗಿ ಕಿತ್ತಾಡುತ್ತಾ ಮಲಗಿ ಕೊಂಚ ಹೊತ್ತು ವಿಶ್ರಮಿಸಿಕೊಂಡೆವು.
ಛಾಯ ಚಿತ್ರಗಳನ್ನು ತೆಗೆಯಲು ಯುದ್ಧಕ್ಕೆ ನಿಂತ ಯೋಧರಂತೆ ಕೆಲ ಸಹ ಚಾರಣಿಗರು ಸನ್ನದ್ಧರಾಗಿದ್ದರು. ತಿಳಿಯಾಗಸದಲ್ಲಿ ನೇಸರನ ಹೊಂಗಿರಣಗಳು ಮೂಡಿ ಅರುಣೋದಯವಾದ ಕೂಡಲೇ ಎಲ್ಲರ ಕ್ಯಾಮೆರಾ ಕಣ್ಣುಗಳು ಭಾಸ್ಕರನತ್ತಲೇ ಮುಖಮಾಡಿ ಫೋಟೋಗಳನ್ನು ಕ್ಲಿಕ್ಕಿಸುವಲ್ಲಿ ಕಾರ್ಯನಿರತವಾಗಿದ್ದವು.

ಮಾಲೆಕಲ್ಲು ಬೆಟ್ಟ - ಅರುಣೋದಯ

ಮಾಲೆಕಲ್ಲು ಬೆಟ್ಟ - ಗುಂಪು ಛಾಯಾಚಿತ್ರ

ಮಾಲೆಕಲ್ಲು ಬೆಟ್ಟ - ಗುಂಪು ಛಾಯಾಚಿತ್ರ

ಸುಮಾರು 7:30ರ ಹೊತ್ತಿಗೆ ಕೆಳಗಿಳಿಯಲು ಶುರು ಮಾಡಿ ಕೆಳಗಿನ ದೇವಸ್ಥಾನವನ್ನು ತಲುಪುವ ಹೊತ್ತಿಗೆ ಸಮಯ 8:30. ಅಲ್ಲಿ ಲಕ್ಷ್ಮಿ ನಾರಾಯಣನ ದರ್ಶನಗೈದು ನಮ್ಮ ಪಯಣ ಶಿವಾಲಯದತ್ತ ಸಾಗಿತು.
ಚಂದ್ರಮೌಳೇಶ್ವರ ದೇವಾಲಯದ ಶಿಲ್ಪಿಯ ಕೈ ಚಳಕಕ್ಕೆ ತಲೆದೂಗುತ್ತಾ ಸಾಗಿದಂತೆ ಮನದ ಮೂಲೆಯಲ್ಲೊಂದು ಬೇಸರ ... ಮುಸ್ಲಿಮರ ನಿರಂತರ ಧಾಳಿಗೆ ತುತ್ತಾದ ದೇವಾಲಯದ ಶಿಲ್ಪಗಳು ತಮ್ಮ ಪ್ರಾಕೃತಿಕ ಸೌಂದರ್ಯವನ್ನು ಕಳೆದುಕೊಂಡಿರುವುದು ವಿಷಾದಕರ ಸಂಗತಿ( ಪ್ರತಿಯೊಂದು ಶಿಲ್ಪದ ಮುಖವನ್ನೂ ಭಂಗ ಮಾಡಲಾಗಿದೆ). ದೇವಾಲಯದ ಒಳ ಹೊಕ್ಕು ಅಲ್ಲಿನ ಶಿಲ್ಪಕಲೆಯನ್ನು ನೋಡುತ್ತಿದ್ದರೆ ಏನೋ ಒಂದು ರೀತಿಯ ಪುಳಕ. ನವಗ್ರಹಗಳ ಸೂಕ್ಷ್ಮ ಕೆತ್ತನೆ, ಬಳಪದ ಕಲ್ಲಿನಿಂದ ನಿರ್ಮಿತವಾದ ಕಂಬಗಳು ಮತ್ತು ಅದರ ಮೇಲೆ ಮೂಡಿಸಿರುವ ಸೂಕ್ಷ್ಮಾತಿ ಸೂಕ್ಷ್ಮ ಕೆತ್ತನೆಗಳು ಆಗಿನ ಕಾಲದ ಶಿಲ್ಪಿಗಳ ಸಾಮರ್ಥ್ಯಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.

ಶಿವಾಲಯ - ಬಳಪದ ಕಲ್ಲಿನ ಕಂಬ

ಶಿವಾಲಯ

ಶಿವಾಲಯ - ಶಿಲಾ ಶಾಸನ

ಅಲ್ಲಿನ ಶಿಲಾಶಾಸನವನ್ನು ನೋಡಿ ಓದಬೇಕೆಂದು ಹೊರಟರೆ ಆಗಿನ ಕಾಲದ ಕನ್ನಡ ನಮಗೆಲ್ಲಿ ಅರ್ಥವಾದೀತು(ಬದಲಾಗುತ್ತಿರುವ ಸಮಾಜದ ಜೊತೆಯಲ್ಲಿ ಭಾಷೆಯ ಬಳಕೆಯೂ ಬದಲಾಗುವುದಲ್ಲವೇ- ಆಗಿನ ಕಾಲದಲ್ಲಿ ಬರೆಯುವಾಗ ಪದಗಳ ವಿಂಗಡಣೆಗೆಂದು ಸ್ಥಳವನ್ನು ಬಿಡುತ್ತಿರಲಿಲ್ಲ )

ಶಿವಾಲಯ - ರಾಜ ನರ್ತಕಿಯರು

ಶಿವಾಲಯ - ಗುಂಪು ಛಾಯಾಚಿತ್ರ

ಶಿವಾಲಯದಿಂದ ಹೊರಟು ಹತ್ತಿರದ ಹೋಟೆಲ್ ನಲ್ಲಿ ತಿಂಡಿ ಮುಗಿಸಿ ಕೆರೆಯ ಬಳಿ ಹೊರಟೆವು(ತಿಂದಮೇಲೆ ಕೆರೆ ಕಡೆ ತಾನೇ ಅಂತ  ಅಪಾರ+ಅರ್ಥ ಮಾಡ್ಕೋಬೇಡಿ!! - ನಾವು ಹೋಗಿದ್ದು ತೆಪ್ಪದಲ್ಲಿ ಪ್ರಯಾಣ ಮಾಡಲು)
ತೆಪ್ಪವಿಹಾರ ಮಾಡುತ್ತಾ, ಮಾರ್ಗ ಮಧ್ಯದಲ್ಲಿ ಹಾಡುಗಳನ್ನು ಗುನುಗುತ್ತಾ, ಪ್ರಕೃತಿಯಮ್ಮನ ಮಡಿಲಲ್ಲಿ ಮಗುವಾಗುವುದೇ ಸಂಭ್ರಮ.

ತೆಪ್ಪವಿಹಾರ, ಅರಸೀಕೆರೆ

ಇಲ್ಲಿಂದ ಬೆಂಗಳುರಿನೆಡೆಗೆ ಮುಖ ಮಾಡಿ ಮಾರ್ಗ ಮಧ್ಯೆ ಕಾಮತ್ ಹೋಟೆಲ್ ನಲ್ಲಿ ಆಹಾರವನ್ನು ಸೇವಿಸಿ ಮಹಾನಗರಿಯನ್ನು ತಲುಪುವಷ್ಟರಲ್ಲಿ ಸಮಯ ಸಂಜೆ 5:30.

ನನ್ ಕಡೆಯಿಂದ ವಿಶೇಷ ಕೃತಜ್ಞತೆಗಳು:
ಸುನೀಲ್ ಕುಮಾರ್ - ನನ್ನ ಬೆನ್ನೆಲುಬಾಗಿ ನಿಂತು ಸಹ -ರೂವಾರಿಯಾಗಿ, ಮೊದಲೇ ಮಾತನಾಡಿ ತೆಪ್ಪ ನಡೆಸುವ ಅಂಬಿಗನಿಂದ  ಸಂಚಾರಿ ದೂರವಾಣಿ(MOBILE ) ಸಂಖ್ಯೆಯನ್ನೂ ಸಹ ಪಡೆದು ನಾವು ತೆಪ್ಪವಿಹಾರ ಮಾಡಲು ಸಕಲ ವ್ಯವಸ್ಥೆಯನ್ನೂ ಅಚ್ಚುಕಟ್ಟಾಗಿ ಮಾಡಿದ್ದಕ್ಕಾಗಿ. 
ವಿನಯ್, ಅಶುತೋಷ್, ವಿಶ್ವಾಸ್ HK, ಸುನೀಲ್ , ರೋಹಿತ್- ಉತ್ತಮ ಛಾಯಾಚಿತ್ರಗಳಿಗಾಗಿ  
ವಿಶ್ವಾಸ್ M, ಸಂಧ್ಯ, ಶೃತಿ - ತರಕಾರಿ ತಂದದ್ದಕ್ಕಾಗಿ
ಸಪ್ನಾ, ಹರ್ಷ, ಜಗದೀಶ್, ನಿರಂಜನ್, ಶುಭ - ಮ್ಯಾಗಿ ಪ್ಯಾಕೆಟ್ ತಂದದ್ದಕ್ಕಾಗಿ
ನಾಗೇಂದ್ರ, ರಾಮ್  - ಟಾರ್ಪಾಲಿನ್ ಹೊತ್ತು ತಂದದ್ದಕ್ಕಾಗಿ
ವಿಶ್ವಾಸ್ HK - ಅಡುಗೆ ಮಾಡುವ ಪಾತ್ರೆ ತಂದದ್ದಕ್ಕಾಗಿ
ಸುಧೀಂದ್ರ, ರಾಹುಲ್, ರೋಹಿತ್, ಅರುಣ್, ವಿನಯ್, ಶೇಖರ್, ಅಶುತೋಷ್, ಅರವಿಂದ್ - ನೀರಿನ ವ್ಯವಸ್ಥೆಗಾಗಿ
ರಮ - ಹಳೆ ದಿನಪತ್ರಿಕೆಯನ್ನು ತಂದದ್ದಕ್ಕಾಗಿ.

ಮಾಹಿತಿ:

ಸ್ಥಳ: ಮಾಲೆಕಲ್ಲು ತಿರುಪತಿ ( MALEKALLU TIRUPATI ) - ಅರಸೀಕೆರೆ, ಹಾಸನ ಜಿಲ್ಲೆ , ಕರ್ನಾಟಕ.

ಚಾರಣ ಶುರು ಮಾಡುವ ಸ್ಥಳ: ಅರಸೀಕೆರೆ

ದೂರ: ಬೆಂಗಳೂರಿನಿಂದ  172 ಕಿ.ಮೀ. 
ಪರ್ವತರೋಹಣದ ದರ್ಜೆ : ಸುಲಭ 

ತಲುಪುವ ಬಗೆ: ಸ್ವಂತ ವಾಹನ/ ಬಸ್ಸು/ರೈಲು
ಮಾರ್ಗ: ಬೆಂಗಳೂರು( BH ರಸ್ತೆ )- ತುಮಕೂರು - ತಿಪಟೂರು - ಅರಸೀಕೆರೆ

• ವಿಶೇಷ ಸೂಚನೆ - ಮಾರ್ಗ ಮಧ್ಯೆ 2 ಕಡೆ ಸುಂಕ ಪಾವತಿ ಮಾಡಬೇಕಾಗುತ್ತದೆ.
 

                                                                                                     -ಪೊರ್ಕಿ ಪಲ್ಲವಿ 

ಕುಮಾರ ಪರ್ವತ ಚಾರಣ ( Kumara Parvata(KP) Trek - 7& 8 ನವೆಂಬರ್ 2012

ಕುಮಾರ ಪರ್ವತ :-
ಕುಮಾರ ಪರ್ವತ(KP)ವು ಕರ್ನಾಟಕದ ಸುಳ್ಯ ತಾಲೂಕಿನ, ಸುಬ್ರಮಣ್ಯ ಗ್ರಾಮದಲ್ಲಿ ನೆಲೆಸಿದ್ದು, ತನ್ನ ಅಪರಿಮಿತ ಪ್ರಕೃತಿ ಸೌಂದರ್ಯದಿಂದ ಚಾರಣಿಗರನ್ನು ಆಕರ್ಷಿಸುತ್ತಿದೆ. ಇಡೀ ಕರ್ನಾಟಕದಲ್ಲೇ ಚಾರಣಕ್ಕೆಂದು ಇದಕ್ಕೆ 3ನೇ ಸ್ಥಾನ( 1- ಮುಳ್ಳಯ್ಯನ ಗಿರಿ, ಚಿಕ್ಕಮಗಳೂರು, 2 - ತಡಿಯಾಂಡಮೋಲ್, ಕೊಡಗು). ಸುಬ್ರಮಣ್ಯನ ಶ್ರೀರಕ್ಷೆಯಲ್ಲಿ ಬೃಹದಾಕಾರವಾಗಿ ಬೆಳೆದು ನಿಂತಿರುವ ಈ ಕುಮಾರ ಪರ್ವತವು ಚಾರಣಿಗರ ಸ್ವರ್ಗವೆಂದೇ ಹೇಳಬೇಕು.
1712 ಮೀ. ಎತ್ತರದ ಶಿಖರ ಬಿಂದುವನ್ನು ಮುಟ್ಟಲು ನಾವು 13 ಕಿ.ಮೀ. ಚಾರಣ ಮಾಡಬೇಕು (ಒಟ್ಟಾರೆ ಕ್ರಮಿಸುವ ದೂರ 26 ಕಿ.ಮೀ.).ಸೋಮವಾರ ಪೇಟೆಯ ಕಡೆಯಿಂದಲೂ ಚಾರಣ ಮಾಡಬಹುದಾಗಿದೆ.

ಕುಮಾರ ಪರ್ವತ

ಕುಮಾರ ಪರ್ವತ -ಮಾರ್ಗ ಸೂಚಿ

ಕುಮಾರ ಪರ್ವತ -ಮಾರ್ಗ ಸೂಚಿ

ಮಂಜರಾಬಾದ್ ಕೋಟೆ :-
ಸಕಲೇಶಪುರದ ಹೊರವಲಯದಲ್ಲಿ ನಿರ್ಮಿತವಾಗಿರುವ ಈ ಕೋಟೆಯನ್ನು ಮೈಸೂರಿನ ಹುಲಿ ಟಿಪ್ಪು ಸುಲ್ತಾನನು 1785-92ರ ಅವಧಿಯಲ್ಲಿ ನಿರ್ಮಿಸಿದನು. ತನ್ನ ವಿಶಿಷ್ಟ ಇಸ್ಲಾಮಿಕ್ ಶೈಲಿಯ ಈ ಕೋಟೆಯು ನಕ್ಷತ್ರಾಕೃತಿಯಲ್ಲಿದೆ. ಕೋಟೆಯ ಮಾದರಿಯ ನೀಲನಕ್ಷೆಯನ್ನು ಕೋಟೆಯ ಒಳ ಭಾಗದಲ್ಲಿ ಕೆತ್ತಿದ್ದಾರೆ.

ಮಂಜರಾಬಾದ್ ಕೋಟೆ

ಪರದೆಯ ಹಿಂದೆ :-
2009ರ ಏಪ್ರಿಲ್ ನಲ್ಲಿ 6 ಜನ ಸ್ನೇಹಿತರೊಟ್ಟಿಗೆ KP ಗೆ ಚಾರಣ ಮಾಡಿದ್ದು, ನಂತರ ಈ ಬಾರಿ ಬೆಂಗಳೂರು ಅಸೆಂಡರ್ಸ್ (Bangalore ASCENDers - BASC) ಮುಖಾಂತರ ಹೋಗಿ ಬರೋಣವೆಂದುಕೊಂಡು BASC ನಿಂದ ಇ-ಮೇಲ್ ಕಳುಹಿಸಿದೆ.
ಈ ಬಾರಿ ರೈಲ್ವೆ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಶ್ರೀನಿವಾಸ್ ಚಿಕ್ಕಪ್ಪನವರ ಸಹಾಯ ಪಡೆದು ಹಸಿರು ಹಾದಿ(Green Route) ಚಾರಣದ ಹಾದಿಯನ್ನು ಗೂಡ್ಸ್ ಗಾಡಿಯ ಹಿಂದಿನ ತೆರೆದ ಬೋಗಿಯಲ್ಲಿ ಕುಳಿತು( चल चैय्या चैय्या)  ಪ್ರಯಾಣ ಮಾಡಬೇಕೆಂದು ಆಸೆಪಟ್ಟಿದ್ದೆ.  ಇ - ಮೇಲ್ ಮಾಡಿದ 24 ಗಂಟೆಗಳೊಳಗಾಗಿ ಅತ್ಯುತ್ತಮ ಪ್ರತಿಕ್ರಿಯೆ ಬಂದು, ನಾನು ಪ್ರತಿಯೊಬ್ಬರಿಗೂ ಖುದ್ದಾಗಿ ಕರೆ ಮಾಡಿ, ಚಾರಣಕ್ಕೆ ಆಹ್ವಾನಿಸಿದೆ. ಶ್ರೀಕಾಂತ್ ರವರೊಟ್ಟಿಗೆ ಮಾತನಾಡುತ್ತಾ ನನ್ನ चल चैय्या चैय्या ಯೋಜನೆಯ ಬಗ್ಗೆ ತಿಳಿಸಿ ತಮಗೆ ಸಮ್ಮತಿಯಿದೆಯೇ ಎಂದು ಕೇಳಿದೆ. ತಮ್ಮ ಒಪ್ಪಿಗೆಯನ್ನು ಸೂಚಿಸಿದ ಅವರು, ನಿಮ್ಮ ಸಂದರ್ಶನ(Interview) ದಲ್ಲಿ ನಾನು ಪಾಸಾದೆನೇ, ನನ್ನ ಹೆಸರನ್ನು ಆಯ್ಕೆಯಾದವರ ಪಟ್ಟಿಯಲ್ಲಿ ಸೇರಿಸುವಿರಾ ಎಂದು ಕೇಳಿದರು ;-) .
ಅನಿವಾರ್ಯ ಕಾರಣಗಳಿಂದ ಆಯ್ಕೆ ಪಟ್ಟಿಯಲ್ಲಿದ್ದ ಒಬ್ಬರು ಬರಲಾಗದೆಂದು ತಿಳಿಸಿದ ಕಾರಣ ಶ್ರೀಹರ್ಷನಿಗೆ ಕರೆ ಮಾಡಿ, ದೇವಸ್ಥಾನಕ್ಕೆ ಭಾರತೀಯ ಸಾಂಪ್ರದಾಯಿಕ ಉಡುಗೆಯುಟ್ಟು ಹೋಗಬೇಕೆಂಬುದು ನನ್ನ ಇಚ್ಛೆ, ಇದಕ್ಕೆ ತಮ್ಮ ಒಪಪಿಗೆಯಿದೆಯೇ ಎಂದು ಕೇಳಿದರೆ,  ಪಂಚೆ ಏನು ಕಾಡು ಮನುಷ್ಯರ ವೇಷ ಧರಿಸಲೂ ಸಿದ್ಧ ಎಂದ. ( ಕಾಡು ಮನುಷ್ಯರು ಬಟ್ಟೇನೇ ಹಾಕೋದಿಲ್ಲ ಅಂತ ಎಲ್ಲೋ ಓದಿದ್ದ ನೆನಪು !!!)ಒಟ್ಟು 12 ಜನರನ್ನು ಆಯ್ಕೆಯ ಪಟ್ಟಿಯಲ್ಲಿ ಸೇರಿಸಿ, 1 ಆಸನವನ್ನು ವಿವೇಕ್ ಭಟ್ ( My Cousin) ಗಾಗಿ ಮೀಸಲಿಟ್ಟಿದ್ದೆ. ಅನಿವಾರ್ಯ ಕಾರಣಗಳಿಂದಾಗಿ ಅವನು ನಮ್ಮೊಡನೆ ಬರಲಾಗಲಿಲ್ಲ. ಹಾಗಾಗಿ ಕಾಯುತ್ತಿರುವವರ ಪಟ್ಟಿ(Waiting List) ಯಲ್ಲಿದ್ದ ಚಂದ್ರಶೇಖರ್ ಗೆ ಕರೆ ಮಾಡಿ ಕೇಳಿದಾಗ ಅವರು ಖುಷಿಯಿಂದ ಬರಲು ಒಪ್ಪಿದರು.

ಬಂದಿತು ನವೆಂಬರ್ 16: 

ಪೂರ್ವ ಯೋಜನೆಯಂತೆ Bangalore Ascenders( BASC - www.bangaloreascenders.org)ನಿಂದ ಕುಮಾರಪರ್ವತಕ್ಕೆ ಚಾರಣಗೈಯ್ಯಲು ಎಲ್ಲರೂ ಶುಕ್ರವಾರ (16 ನವೆಂಬರ್ 2012) ರಾತ್ರಿ 10 ಗಂಟೆಗೆ ಕೆಂಪೇಗೌಡ ಬಸ್ ನಿಲ್ದಾಣದ ಬಳಿಯಿರುವ ಶಾಂತಲಾ ರೇಷ್ಮೆ ಮಳಿಗೆ(Shantala Silk House) ಯ ಬಳಿ ಸೇರಿದೆವು. 10:45 ರ ಹೊತ್ತಿಗೆ ಸಕಲೇಶಪುರಕ್ಕೆ ನಮ್ಮ ಪಯಣ ಬೆಳೆಯಿತು.
ದಾರಿಯ ಮಧ್ಯದಲ್ಲಿ ಶ್ರೀಹರ್ಷನ ಒತ್ತಾಯದ ಮೇರೆಗೆ ಚನ್ನರಾಯಪಟ್ಟಣದ ಬಳಿಯ ಒಂದು ಡಾಬಾದಲ್ಲಿ ಚಹಾ ಮತ್ತು ಇಡ್ಲಿ ಸೇವನೆಯಾಯಿತು. ಸುರೇಶ್ ಅಲ್ಲಿ ತನ್ನ 7ನೇ ತರಗತಿಯಲ್ಲಿ ಬರೆದ ಪ್ರೇಮ ಪತ್ರದ ಬಗ್ಗೆ ಹೇಳುತ್ತಾ, ಮಾತಿನ ಮಧ್ಯೆ H G ಗೀತ ಎಂದು ಹೇಳಿದ. ಅಷ್ಟರಲ್ಲಿ ಅಲ್ಲಿಗೆ ಯಾವಾಗ ಬಂದು ಸೇರಿದ್ದನೋ ಗೊತ್ತಿಲ್ಲ, ಹರ್ಷ MERCURY ಗೀತ ಅಂದ. ಎಲ್ಲರೂ ನಗುತ್ತಿದ್ದರೆ, ನನಗೆ ಅರ್ಥವಾಗದೆ ಬೆ ಬೆ ಬ್ಬೆ ಎಂದು ನೋಡುತ್ತಾ ಪಕ್ಕಕ್ಕೆ ತಿರುಗಿದೆ, ಸುಧೀಂದ್ರ , HG- Atomic Symbol of MERCURY ಎಂದ. ನನ್ನ ಬೆಪ್ಪು ತನಕ್ಕೆ ನನ್ನನ್ನು ನಾನೇ ಶಪಿಸುತ್ತಾ ಎಂದುಕೊಂಡೆ ಅದಕ್ಕೆ ಈ ಬಡ್ಡೀಮಗ INTEL ನಲ್ಲಿ ಇರೋದು ಅಂತ. (Intel Inside, Mental Outside) .ನಂತರ TT ಹತ್ತಿ ಸಕಲೇಶಪುರ ತಲುಪುವ ಹೊತ್ತಿಗೆ ಬೆಳಗಿನ ಜಾವ 3 ಗಂಟೆ.
(ಇಲ್ಲಿ ಶೇಖರ್ ನ GPS in SAMSUNG Mobileಗೆ ನಮ್ಮ ಧನ್ಯವಾದಗಳನ್ನು ಅರ್ಪಿಸಲೇಬೇಕು. ಮುಕ್ಕಾಲು ಗಂಟೆ ಯಾವ್ಯಾವುದೋ ದಾರಿ ಹೇಳಿ ಚಾಲಕನ ತಲೆ ಅಯೋಮಯ! ಮೆಟ್ಟಿಲುಗಳನ್ನು ಇಳಿದು ಹೋಗುವ ದಾರಿ ಎಲ್ಲಾ ಹೇಳಿದ್ರೆ ಪಾಪ ಡ್ರೈವರ್ Centre Shock ತಿಂದವರಂತೆ ಶಾಕ್ ಆಗ್ದಲೇ ಇರ್ತಾರಾ!!)

 ನವೆಂಬರ್ 17:
ರೈಲ್ವೆ ನಿಲ್ದಾಣದಲ್ಲಿ BASC ನ ನಿಯಮದಂತೆ ಎಲ್ಲರ ಸ್ವ-ಪರಿಚಯ ಶುರುವಾಯಿತು. ಎಲ್ಲರೂ ತಮ್ಮ ಅಡಗಿದ ಪ್ರತಿಭೆ(HIDDEN TALENT ) ಗಳನ್ನು ಹೊರತೆಗೆಯಲು ಶುರುಮಾಡಿದರು.  

• ವಿನೂತ್ನ(ಅತ್ಯದ್ಭುತ ಮನೋಸ್ಥೈರ್ಯಿ) - ಹರ್ಷನಿಗಾಗಿ 2 ಯುಗಳಗೀತೆಗಳನ್ನು ಹಾಡಿದಳು (ಯಾಕಂದ್ರೆ ಇವನ Apartmentನಲ್ಲಿ WASHING MACHINE ಇದೆ! )

• ಶ್ರೀ ಹರ್ಷ( ಅತ್ಯುತ್ತಮ ವಾಗ್ಮಿ ) - ನನ್ನ ಹೆಸರು ಹರ್ಷ, ಶ್ರೀ ಹರ್ಷ (BOND, JAMES BOND) ಎಂದು ಹೇಳಿಕೊಂಡ. ವಿನೂತ್ನಳಿಗಾಗಿ ಅವಳ ಮೇಲೆ ಆಶುಕವಿತ್ವ ರಚಿಸಿ ಹಾಡಿದನು. (ಭಾಷೆ ಅರ್ಥವಾಗದಿದ್ರು ನಾಚಿ ನೀರಾಗುವ ಸರದಿ ವಿನೂತ್ನಳದು)

• ಯದುನಂದನ(ಹಾಸ್ಯ ಚಕ್ರವರ್ತಿ) - ತನ್ನ ವಿಶಿಷ್ಟ ಶೈಲಿಯಿಂದ ಮುಗ್ಧನಂತೆ ಹಾಸ್ಯಮಾಡುತ್ತಾ ಮನಸೂರೆ ಮಾಡುತ್ತಾನೆ. ಇವನ ಮನೆಯ ಪಾಯಿಖಾನೆ(TOILET) ಯ Commodeನಲ್ಲಿ ನೀಲಿಹಲ್ಲು (BLUETOOTH) ಇರುವುದು ಒಂದು ವಿಶೇಷವಾದರೆ, ಇವನು ಅದರ ಮೇಲೆ ಕುಳಿತ ಸಮಯದಲ್ಲೇ CC Camera ಇಲ್ಲದಿದ್ದ್ರೂ, ವರುಣ್ ಇವನ ಮೊಬೈಲ್ ಗೆ ಕರೆ ಮಾಡುವುದು ಮತ್ತೊಂದು ವಿಶೇಷ

• ವರುಣ್( ಛಲಗಾರ - ಜಲಪಾತದ ಬಳಿ ಬಿದ್ದು ಮೂಗು ಮುರಿದುಕೊಂಡು ಇನ್ನು 1 ತಿಂಗಳಾಗಿಲ್ಲ ಆಗಲೇ KP ಚಾರಣಕ್ಕೆ ಅತ್ಯುತ್ಸಾಹದಲ್ಲಿ ಬಂದ) - RHYMES ಹೇಳಪ್ಪಾ ಅಂದ್ರೆ ಪಕ್ಕದಲ್ಲಿದ್ದ Intel ಹರ್ಷನಿಗೆ ನಾಯಿ ಮರಿ ನಾಯಿ ಮರಿ ತಿಂಡಿ ಬೇಕಾ ಅಂತ ಕೇಳ್ತಾನೆ( ಹರ್ಷ ಭೋಜನ ಪ್ರಿಯ ಎಂಬುದು ಎಲ್ಲರೂ ಒಪ್ಪುವಂತ ಮಾತಾಗಿದ್ರೂ ಈ ರೀತಿ ತೇಜೋವಧೆ ಆಗ್ಬಾರ್ದಿತ್ತು)

• ವಂಶಿ ಕೃಷ್ಣ( ಸಾಧು ಪ್ರಾಣಿ) - ತೆಲುಗು ಚಿತ್ರದ ಸಂಭಾಷಣೆ ಹೇಳ್ತೀನಿ ಅಂತ ಎಲ್ಲಾ ಎಗರಿಸಿಕೊಂಡು ಹೇಳ್ಬಿಡೋದೇ ( NTR ಏನಾದ್ರೂ ಬದುಕಿ, ಅಪ್ಪಿ ತಪ್ಪಿ ಕೇಳಿಸಿಕೊಂಡಿದ್ದಿದ್ದರೆ ಅಲ್ಲೇ ಹೃದಯಾಘಾತವಾಗ್ತಿತ್ತೇನೋ!!)

• ರಾಮ್ ಕುಮಾರ್ (ಯೋಗ ಪಟು) - ಇವನ ಜಾನಪದ ಗೀತೆಯನ್ನು ಆಲಿಸಿ ರೈಲ್ವೆ ಸಿಬ್ಬಂದಿಯೂ ತಲೆದೂಗಿದರು!

• ನಾಗೇಂದ್ರ( G-Boys ಅಲಿಯಾಸ್ ಬುಸ್ಸು) - ಹರ್ಷನನ್ನು ಹರ್ಷಿತ ಮಾಡಿ ಪ್ರೇಮ ನಿವೇದನೆ (Propose) ಮಾಡೆಂದು ಹೇಳಿದರೆ L-BOARD ತರ ಆಡಿ, ನಂತರ ತಾನೇ ಖುದ್ದಾಗಿ ಹಾಡು ಹಾಡುತ್ತೇನೆಂದು ಹಾಡಿದ( ಕ್ಷಮಿಸಿ - ಯಾವ ಹಾಡೆಂದು ನೆನಪಿಲ್ಲ)

• ಚಂದ್ರ ಶೇಖರ್( ಸಕಲಕಲಾವಲ್ಲಭ) - ಹಿಂದಿ ಹಾಡು ಹೇಳಿ ಮನರಂಜಿಸುವುದರ ಜೊತೆಗೇ ರೈಲ್ವೆ ಪೋಲಿಸ್ ಎದುರಲ್ಲೇ ಪೋಲೀಸರ ಮೇಲಿನ ಒಂದು ಹಾಸ್ಯ ಚಟಾಕಿ ಹಾರಿಸಿದ.

• ಶ್ರೀಕಾಂತ್( HP ಮ್ಯಾನೇಜರ್) - ತಮ್ಮ ಉಲ್ಟಾ ಸಾಹಿತ್ಯದ ಗಾನ ಸುಧೆಯಿಂದ( ವನಮಾ ವುಹದೇ - ಮಾನವಾ ದೇಹವು) ನಮ್ಮ ಹೃನ್ಮನ ತಣಿಸುವುದರ ಜೊತೆಗೇ ತಮ್ಮ ವಯಸ್ಸನ್ನೂ ಸಹ ಉಲ್ಟಾ ಮಾಡಿಕೊಂಡು ( 43-34) ಯುವಕರಂತೆ ನಮ್ಮೊಡನೆ  ಬೆರೆತರು.                                                                                        ಇವ್ರ್ ಮನೇಲಿ Prestige Cooker ಉಪಯೋಗಿಸ್ತಾರೆ( ಜಾಹಿರಾತು - ಯಾರು ಹೆಂಡ್ತೀನ ಪ್ರೀತಿಸ್ತರೋ ಅವರು Prestigeನ ಹೇಗೆ ನಿರಾಕರಿಸಿಯಾರು!!

• ಸುರೇಶ್ ( ಶಾಂಪೂ ಸುರೇಶ) - HG ಗೀತ ಓಹ್ ಕ್ಷಮಿಸಿ Mercury ಗೀತಾಗೆ ನೀಡಿದ ಪ್ರೇಮಪತ್ರದ ಸವಿವರಣೆ ನೀಡುತ್ತಾ PT ಮಾಸ್ತರರು ಬಿಟ್ಟ ಒದೆಯನ್ನು TV9 ಗೆ ಸಡ್ದು ಹೊಡೆಯುವಂತೆ ಚಿತ್ರ ಸಹಿತ ಕಣ್ಮುಂದೆ ಬರುವಂತೆ ವಿವರಿಸಿದನು.

• ಸುಧೀಂದ್ರ ( ಪಡ್ಡು from ಪಾವಗಡ) - ಆನಂದ ಭೈರವಿ ರಾಗದಿಂದ ನಮ್ಮ ಮನಕ್ಕೆ ಆನಂದವನ್ನುಂಟು ಮಾಡಿದನು.

• ಶಿವ ಕುಮಾರ್(ಪೋಲಿಸನ ಪುತ್ರ) - ತನ್ನ ಗೌಡ್ರು ಶೈಲಿಯಲ್ಲಿ ನಾಗರಹಾವು ಚಿತ್ರದ ತುಣುಕೊಂದನ್ನು ನಟಿಸಿ ತೋರಿಸಿದ( क्या रे बुल बुल ಮಾತಾಡಕಿಲ್ವ )

ನಮ್ಮ ಚಿಕ್ಕಪ್ಪನವರೆನೋ ರೈಲು ಹತ್ತಿಸಿ ರೈಟ್ ರೈಟ್ ಎನ್ನಲು ಸಿದ್ಧವಿದ್ದರು, ಆದರೆ ಹಾಳಾದ್ದು ಆ ಗೂಡ್ಸ್ ಗಾಡಿ ಅನಿವಾರ್ಯ ಕಾರಣಗಳಿಂದ 7 ಗಂಟೆಗೆ ಬರಬೇಕಿದ್ದದ್ದು 10 ಗಂಟೆಯಾದ್ರೂ ಬರಲೇ ಇಲ್ಲ. ನಂತರ ಚಿಕ್ಕಮ್ಮ ಮಾಡಿದ ಉಪ್ಪಿಟ್ಟು, ದೋಸೆಯನ್ನು ತಿಂದು ಮಂಜರಾಬಾದ್ ನ ಕೋಟೆ ನೋಡಲು ಹೊರಟೆವು.

ಸಕಲೇಶಪುರ ರೈಲ್ವೆ ನಿಲ್ದಾಣದ ಬಳಿ - ಚಿಕ್ಕಪ್ಪನೊಟ್ಟಿಗೆ

ಸಕಲೇಶಪುರ - ಚಿಕ್ಕಮ್ಮನೊಟ್ಟಿಗೆ

11 ರ ಹೊತ್ತಿಗೆ ಕೋಟೆ ತಲುಪಿ ಕೋಟೆಯ ಭವ್ಯತೆಯನ್ನು ನೋಡುತ್ತಾ, ನಕ್ಷತ್ರ ಮಾದರಿಯ ಆ ಕೋಟೆಯ ನೀಲನಕ್ಷೆಯನ್ನು ಗೋಪುರದ ಕೆಳ ಬದಿಯಲ್ಲಿ ನಮ್ಮ ಬಿಟ್ಟಿ ಮಾರ್ಗದರ್ಶಿ( ಇವನೇನೋ ಗೈಡ್ ಮಾಡಿದ್ದಕ್ಕೆ ದುಡ್ಡು ಕೇಳ್ದ ನಾವು ಹಂಗೆ ಜೈ ಅಂದ್ಬಿಟ್ವಿ) ತೋರಿಸಿ ಕೊಟ್ಟನು. ನಂತರ ಟಿಪ್ಪು ಸುಲ್ತಾನನ ಸುರಂಗ ಮಾರ್ಗ, ರಾಜ ಮನೆತನದವರು ಉಪಯೋಗಿಸುತ್ತಿದ್ದ ಸಂಡಾಸ್(TOILET) ಅನ್ನು ತೋರಿಸಿದ.(ಪುಣ್ಯಕ್ಕೆ ಪ್ರಾಯೋಗಿಕವಾಗಿ ತೋರಿಸಿ ಗೌಡ್ರು ದರ್ಬಾರ್ ಎನ್ನಲಿಲ್ಲ! ). ಆಗಿನ ತಾಂತ್ರಿಕತೆಗೆ ಮಾರುಹೋದ ನಾವು ಮನದಲ್ಲೇ ಆಗಿನ ಅಭಿಯಂತರರ( Engineer's) ಚಾತುರ್ಯವನ್ನು ಶ್ಲಾಘಿಸುತ್ತಾ, ಕುಕ್ಕೆಯತ್ತ ಹೊರಟು ಕುಮಾರಧಾರಾ ನದಿಯಲ್ಲಿ ಮನಸೋ ಇಚ್ಛೆ ಮಿಂದು, ಈಜಾಡಿ, ಕುಮಾರ ಕೃಪಾ ಹೋಟೆಲ್ ನಲ್ಲಿ ಭೋಜನ ಮುಗಿಸಿ ಚಾರಣ ಶುರುಮಾಡುವಷ್ಟರಲ್ಲಿ ಸಂಜೆ 4 ಗಂಟೆ.

ಮಂಜರಾಬಾದ್ ಕೋಟೆ

ಮಂಜರಾಬಾದ್ ಕೋಟೆ- ನೀಲ ನಕ್ಷೆ

ಮಂಜರಾಬಾದ್ ಕೋಟೆ - ಪ್ರವೇಶ ದ್ವಾರ

ಮಂಜರಾಬಾದ್ ಕೋಟೆ - ಬಾವಿ

 

ನಮ್ಮ BACKPACKಗಳನ್ನು ಹೊತ್ತು ಸುಂದರ ಪ್ರಕೃತಿ ಮಾತೆಯ ಮಡಿಲ ಕಂದಮ್ಮಗಳಾಗಿ ಪರ್ವತಾರೋಹಣವನ್ನು ಕೈಗೊಂಡೆವು. ದಾರಿಯಲ್ಲಿ ಕಂಡ ವಿವಿಧ ರೀತಿಯ ಮರಗಳನ್ನು ನೋಡುತ್ತಾ, ಅದರ ಮೇಲೆ ಫಲಕದಲ್ಲಿ ಸೂಚಿಸಿದ್ದ ಹೆಸರುಗಳನ್ನು ಓದುತ್ತಾ, ಉಸ್ಸು ಬಿಸ್ಸು ಎಂದು ಏದುಸಿರು ಬಿಟ್ಟು, ಮಧ್ಯೆ ಮಧ್ಯೆ ಸುಧಾರಿಸಿಕೊಳ್ಳುತ್ತಾ ಮೇಲೆರುತ್ತಿದ್ದೆವು. ಪಡುವಣ ಬಾಂದಳದಲ್ಲಿ ಮುಳುಗುತ್ತಿದ್ದ ಕೆಂಪು ಭಾಸ್ಕರನನ್ನು, ಆಗ ತಾನೇ ನಗು ನಗುತ್ತಾ ಮೇಲೇರುತ್ತಿದ್ದ ಚಂದಿರನನ್ನು ಏಕ ಕಾಲದಲ್ಲಿ ಕಂಡು ಕಂಗಳಲ್ಲೇ ಸೆರೆಹಿಡಿಯುತ್ತಾ ಭಟ್ಟರ ಮನೆ ತಲುಪುವಷ್ಟರಲ್ಲಿ ಸಂಜೆ 6:45.

ಭಟ್ಟರ ಮನೆಗೆ ನಡೆದರೆ ಅಲ್ಲಿ ತಣ್ಣನೆಯ ಮಜ್ಜಿಗೆ ನಮ್ಮ ತನು,ಮನ ಎರಡನ್ನೂ ತಣಿಸಿತು. ನಂತರ ಊಟದ ಹೊತ್ತಿನವರೆಗೂ ಗಾನ ಬಜಾನ- ಅಂತ್ಯಾಕ್ಷರಿ ಕಾರ್ಯಕ್ರಮ ಶುರು. ಎರಡೂ ತಂಡಗಳೂ ಪಾಟಿ ಸವಾಲನ್ನು ಅತ್ಯುತ್ಸಾಹದಲ್ಲಿ ಸ್ವೀಕರಿಸುತ್ತಿದ್ದವು. ಕನ್ನಡ, ತೆಲುಗು, ಹಿಂದಿ ಚಲನಚಿತ್ರಗೀತೆಗಳೂ, ಭಾವಗೀತೆಗಳೂ ಎಲ್ಲರ ಬಾಯಲ್ಲೂ ನಲಿದಾಡಿತು. ಬಂಗಾರಪ್ಪನವರಂತೆ ಪಕ್ಷಾಂತರ ಮಾಡಿದ ವಂಶಿ, ನಮ್ಮ ತಂಡ ತೊರೆದು ವಿರೋಧ ಪಕ್ಷವನ್ನು ಸೇರಿಬಿಟ್ಟ ಮತ್ತು ತೆಲುಗು ಬರುವುದಿಲ್ಲವೆಂದು ಹೇಳಿಕೊಂಡಿದ್ದ ಶೇಖರ್ ತೆಲುಗು ಚಿತ್ರಗಳ ಹಾಡುಗಳನ್ನು ಮೇಲೆ ಮೇಲೆ ಹಾಡಿ ತಾನು LIER ಎಂಬುದನ್ನು ಸಾಬೀತುಪಡಿಸಿಕೊಂಡ.
ಭಟ್ಟರು ಮಾಡಿ ತಂದಿಟ್ಟ ಬಿಸಿ ಬಿಸಿ ಅಡುಗೆಯನ್ನು ( ಅನ್ನ , ಹುಳಿ- ಸಾಂಬಾರ್, ಮಜ್ಜಿಗೆ, ಉಪ್ಪಿನಕಾಯಿ) ಭರ್ಜರಿಯಾಗಿ ತಿಂದು ಮಲಗುವಷ್ಟರಲ್ಲಿ ಸಮಯ 10:30.

ನವೆಂಬರ್ 18:
 ಬೆಳಗ್ಗೆ 5:30ಕ್ಕೆ ಒಲ್ಲದ ಮನಸ್ಸಿನಿಂದ ಎದ್ದು, ಆ ನಡುಗುವ ಚಳಿಯಲ್ಲಿ ಪ್ರಾತರ್ವಿಧಿಗಳನ್ನು ಮುಗಿಸಿ, ಪುಷ್ಪಗಿರಿಯೆಡೆಗೆ ಹೊರಡುವಷ್ಟರಲ್ಲಿ 6:30. ಮಾರ್ಗ ಮಧ್ಯೆ ಅರಣ್ಯ ಇಲಾಖೆಯಲ್ಲಿ ಹಣ ಕಟ್ಟಿ, ಚಾರಣಕ್ಕೆ ಅನುಮತಿ ಪಡೆದು, ನಡೆದು ಹೋಗುತ್ತಿದ್ದಾಗ ಒಂದು ಪರ್ಸ್ ಕಾಣಿಸಿತು. ತೆಗೆದು ನೋಡಿದಾಗ ಅದರಲ್ಲಿ ಹಣದ ಹೊರತು ಆ ಪರ್ಸಿನ ಮಾಲೀಕನ ಬಗೆಗೆ ಯಾವುದೇ ಗುರುತಿರಲಿಲ್ಲ. 8 45ರ ಹೊತ್ತಿಗೆ ಕಲ್ಲು ಮಂಟಪ ಸೇರಿ,ತಂಡದೊಂದಿಗೆ ಚರ್ಚಿಸಿ BASC ನಿಧಿಗೆ ಅದನ್ನು ಕೊಡೋಣವೆಂದು ತೀರ್ಮಾನಿಸಿದೆವು. ಬುತ್ತಿ ಕಟ್ಟಿಸಿಕೊಂಡು ತಂದಿದ್ದ ಚಪಾತಿಯನ್ನು ತಿಂದು ಪುಷ್ಪಗಿರಿಯ ಹಾದಿ ಹಿಡಿದೆವು. ದಾರಿಯಲ್ಲಿ ಹಾಡು ಹಾಡುತ್ತಾ, ಜಿಗಣೆಯ ಸವಿ ಮುತ್ತುಗಳನ್ನು ಸ್ವೀಕರಿಸುತ್ತಾ, ಕಾಡು ಹಾದಿಯಲ್ಲಿ ಮುಂದುವರಿದೆವು. ನಾನು, ನಾಗೇಂದ್ರ ಸ್ವಲ್ಪ ಸಮಯ ಕಾದು, ಯಾರೂ ಬಾರದಿದ್ದನ್ನು ಕಂಡು, ಕಲ್ಲಿನ ಮೇಲೆ ಬಾಣದ ಗುರುತನ್ನು ಅಚ್ಚು ಮೂಡಿಸುತ್ತಾ ಸಾಗಿದೆವು. ಅಲ್ಲಿ ಮರಳಿ ಬರುತ್ತಿದ್ದ ಬೇರೊಂದು ತಂಡವನ್ನು ಕೇಳಿದಾಗ, ಆ ತಂಡವು ನಮ್ಮ ತಂಡದ ಇತರೆ ಸದಸ್ಯರು ಆಗಲೇ ಪುಷ್ಪಗಿರಿಯನ್ನು ತಲುಪಿರುವುದಾಗಿ ಹೇಳಿದರು. ನಮಗೆ ಆಗ ತಿಳಿಯಿತು ನಾವು ಸೋಮವಾರಪೇಟೆಯಿಂದ ಪುಷ್ಪಗಿರಿಗೆ ಚಾರಣ ಮಾಡುವ ದಾರಿಯಲ್ಲಿದ್ದೇವೆಂದು. ನಾವು ಬೇಗ ನಡೆದು ಶಿಖರ ಬಿಂದು (PEAK) ತಲುಪುವಷ್ಟರಲ್ಲಿ ಗಡಿಯಾರ 12 ಗಂಟೆ ತೋರಿಸುತ್ತಿತ್ತು. ಅಲ್ಲಿ ಶಿವಲಿಂಗವನ್ನು ನೋಡಿ " ಬ್ರಹ್ಮ ಮುರಾರಿ ಸುರಾರ್ಚಿತ" ಎಂದು " ಲಿಂಗಾಷ್ಟಕ" ವನ್ನು ಶುರು ಮಾಡಿದರೆ ಅದನ್ನು ಕೇಳಿದ  ತಂಡದ ಇತರೆ ಸದಸ್ಯರು ನಮ್ಮನ್ನು ಸೇರಿ, ತಮ್ಮ ದನಿಗೂಡಿಸಿದರು. ಅದೊಂದು ಸಮೂಹ ಗಾಯನದಂತಾಗಿ ನಾನಂತೂ ಬಹಳವೇ ಖುಷಿಪಟ್ಟೆ.

ಕುಮಾರ ಪರ್ವತ-ಕಲ್ಲು ಮಂಟಪ

ಕುಮಾರ ಪರ್ವತ 

ಕುಮಾರ ಪರ್ವತ  

ಕುಮಾರ ಪರ್ವತ - ಮನುಷ್ಯನ ವಿಕಾಸ(ಶ್ರೀಹರ್ಷನ ಬುದ್ದಿಮತ್ತೆ)

 

ಅಲ್ಲಿಂದ ಮರಳಿ ಭಟ್ಟರ ಮನೆಯ ದಾರಿ ಹಿಡಿದೆವು. ಈಗ ಹರ್ಷ ತಾನು ತಂದಿದ್ದ ಬ್ರೆಡ್ಡನ್ನು ಕೊಟ್ಟರೆ ಎಲ್ಲರೂ ಅವನಿಗೂ ಸಹ ಉಳಿಯದಂತೆ ಗುಳುಂ ಸ್ವಾಹಾ ಮಾಡಿಬಿಟ್ಟರು. ಮಧ್ಯಾಹ್ನ ಸುಮಾರು 2 ಗಂಟೆಯ ಹೊತ್ತಿಗೆ ಭಟ್ಟರ ಮನೆ ಸೇರಿ, ಊಟವನ್ನು ಮುಗಿಸಿ, ಸ್ವಲ್ಪ ಹೊತ್ತು ವಿರಮಿಸಿಕೊಂಡೆವು. ನನ್ನ ಬಳಿಯಿದ್ದ ಟಾರ್ಚ್ ಅನ್ನು ಯಾರೋ ಕೇಳಿ ಪಡೆದರು. ಅದನ್ನು ನೋಡಿದ ನಾಗೇಂದ್ರ ಅದು ಪಲ್ಲವಿಯಷ್ಟೇ ದಪ್ಪಗಿದೆ ಎಂದ.(ನಾನು ನಿದ್ದೆ ಬಾರದಿದ್ದರೂ ಬಂದವಳಂತೆ ನಟಿಸುತ್ತಾ ಮಲಗಿಬಿಟ್ಟೆ).
ತಮ್ಮ ಮಂಡಿ  ನೋವಿನಿಂದಾಗಿ ಚಾರಣವನ್ನು ಅರ್ಧಕ್ಕೆ ನಿಲ್ಲಿಸಿ, ಭಟ್ಟರ ಮನೆ ಸೇರಿದ್ದ ಶ್ರೀಕಾಂತ್ ರವರೊಟ್ಟಿಗೆ ನಾವು ಮೊದಲನೇ ತಂಡ ಹೊರಟೆವು. ಎರಡನೇ ತಂಡ ಸ್ವಲ್ಪ ತಡವಾಗಿ ಹೊರಟು ನಮ್ಮನ್ನು ಸೇರುವುದಾಗಿ ಹೇಳಿದರು.

ದಾರಿಯ ಮಧ್ಯೆ ಅಣ್ಣಾ ಬಾಂಡ್ ಶೇಖರ್ ಅನೇಕ ಪ್ರವಾಸೀ ತಾಣಗಳ ಬಗ್ಗೆ ಮಾಹಿತಿಯನ್ನು ನೀಡುತ್ತಿದ್ದರು ಮತ್ತು ಏನಾದರೂ ಸಹಾಯ ಬೇಕಿದ್ದಲ್ಲಿ ನೀಡಲು ಸಿದ್ಧವೆಂದೂ ಹೇಳಿದರು. ಈತನ ಸುತ್ತುವ ಆಸಕ್ತಿಯನ್ನು ಕಂಡು ನಾನು ಆಶ್ಚರ್ಯ ಪಟ್ಟರೆ ಸುಧಿ ಅಂತೂ ಕೇಳೇಬಿಟ್ಟ- ನಿಮ್ಮ ಸಮಯ ನಿರ್ವಹಣೆ( TIME MANAGEMENT) ಬಗ್ಗೆ ಹೇಳಿ ಅಂತ. ಬೆಂಗಳೂರಿನಲ್ಲಿ ಕೆಲಸಕ್ಕೆ ಸೇರಿ 1.6 ವರ್ಷವಾಗಿದೆ. ಅಷ್ಟರಲ್ಲೇ ಭಾಗಶಃ ಕರ್ನಾಟಕದ ಎಲ್ಲಾ ಜಾಗಗಳಿಗೂ ಭೇಟಿ ಕೊಟ್ಟಿದ್ದಾರೆ( ಆಡು ಮುಟ್ಟದ ಸೊಪ್ಪಿಲ್ಲ ಗಾದೆಯ ತರಹ ಶೇಖರ್ ನೋಡಿರದ ಸ್ಥಳವಿಲ್ಲ ಎನ್ನಬಹುದೇನೋ!)
ಸುಮಾರು ಸಂಜೆ 6:45ರ ಹೊತ್ತಿಗೆ ಚಾರಣ ಮುಗಿಸುವಲ್ಲಿ ಕಾಲುಗಳು ಪದ ಹಾಡುತ್ತಿತ್ತು. ಅಲ್ಲಿ ಒಂದು ಪ್ರವಾಸಿ ಮಂದಿರದ ಕೋಣೆಯನ್ನು ಬಾಡಿಗೆಗೆ ಪಡೆದು, ನಮ್ಮ ಸ್ನಾನ ಮುಗಿಸಿ, ಪೂರ್ವ ನಿಯೋಜನೆಯಂತೆ ಎಲ್ಲರೂ ಭಾರತೀಯ ಸಾಂಪ್ರದಾಯಿಕ ಉಡುಗೆಯುಟ್ಟು, ದೇವಸ್ಥಾನದ ಕಡೆಗೆ ನಡೆದೆವು. ಮಾನ ರಕ್ಷಣೆಯ ಸಲುವಾಗಿ ಹರ್ಷ ಪಂಚೆಗೆ ಬೆಲ್ಟ್ ಕಟ್ಟಿದ್ದನ್ನು ಕಂಡು ವಿನೂತ್ನ ನಗುತ್ತಿದ್ದಳು.
8:15ಕ್ಕೆ ದೇವಸ್ಥಾನವನ್ನು ಪ್ರವೇಶಿಸಿದ ನಾವು, "ಶ್ರೀ ಸುಬ್ರಮಣ್ಯ" ನ ದರ್ಶನಗೈದು, ಸಕಲರಿಗೂ ಒಳಿತನ್ನು ಮಾಡೆಂದು ಬೇಡಿ, ಅಲ್ಲೇ ಪ್ರಸಾದ(ಭೋಜನ)ವನ್ನು ಸ್ವೀಕರಿಸಿ ಹೊರಬರುವಷ್ಟರಲ್ಲಿ ಸಮಯ 9.
ಎಲ್ಲರಿಂದಲೂ ಮುಂಗಡವಾಗಿ ಪಡೆದಿದ್ದ ಹಣದಲ್ಲಿ ಇನ್ನೂ ಸಾಕಷ್ಟು ಉಳಿದಿತ್ತಾದ್ದರಿಂದ ಎಲ್ಲರಿಗೂ ICE CREAM with FRUIT SALAD ತಿನ್ನಲು ಮನಸ್ಸಿದೆಯಾ ಎಂದು ಕೇಳಿದರೆ ತಕ್ಷಣವೇ ಎಲ್ಲರೂ ಕೈ ಎತ್ತಿ ತಮ್ಮ ಸಮ್ಮತಿಯನ್ನು ಸೂಚಿಸಿದರು. ಆಗಲೇ TT ಯ ಬಳಿ ತೆರಳುತ್ತಿದ್ದ ವಿನೂತ್ನ, ಶೇಖರ್ & ವಂಶಿಯನ್ನು ICE CREAM ತಿನ್ನಲು ಬರುವಿರಾ ಎಂದು ಕೇಳಿ Phone Cut ಮಾಡಿ, ಹೋಟೆಲ್ ತಲುಪುವಷ್ಟರಲ್ಲಿ ಅವರು ನಮಗೂ ಮುಂಚೆಯೇ ಅಲ್ಲಿ ಪ್ರತ್ಯಕ್ಷ! ( ICE CREAM ತಿನ್ನಲು ಇವರು PT ಉಷಾರನ್ನೂ ಮೀರುಸ್ತಾರೆ ಬಿಡೀಪ್ಪ!!)
ನಾನಿನ್ನೂ ನಿಧಾನಕ್ಕೆICE CREAM ಅನ್ನು ಸವಿದು ಮೆಲ್ಲುತ್ತಿದ್ದೆ. ಉದುರುತ್ತಿದ್ದ ಕಚ್ಚೆ ಪಂಚೆಯನ್ನೂ ಲೆಕ್ಕಿಸದೆ ಹಾಗೆ ಹಿಡಿದು ಯದು ಓಡಿ ಬಂದ. ಪಲ್ಲವಿ ನಮಗೆ ಇನ್ನೊಂದು GUD BUD ಬೇಕು ಎಂದು ಸರಿ ಅಮೋಘ 2ನೇ ಬಾರಿಗೆ ಎಂದು ಎಲ್ಲರೂ GUD BUD ತಿಂದು TT ಬಳಿ ತೆರಳಿ ಕುಕ್ಕೆ ಬಿಡುವಷ್ಟರಲ್ಲಿ ಸಮಯ 11.
KP ಗೆ ಬೈ ಬೈ ಹೇಳಿ ರಾಜಧಾನಿಯನ್ನು ಬಂದು ಸೇರಿದಾಗ ಗಡಿಯಾರ 5:45 ತೋರಿಸುತ್ತಿತ್ತು.

ನನ್ ಕಡೆಯಿಂದ ವಿಶೇಷ ಧನ್ಯವಾದಗಳು:-

• ಭಟ್ಟರು ಮತ್ತು ಕುಟುಂಬ,  ಚಿಕ್ಕಪ್ಪ & ಚಿಕ್ಕಮ್ಮ : ಅನ್ನದಾತೋ ಸುಖೀಭವ
• ನಾಗೇಂದ್ರ : Tarpaulin ಅನ್ನು ಹೊತ್ತು ತಂದು, ಅರಣ್ಯ ಇಲಾಖೆಯಲ್ಲಿ ಮಾತಾಡಿ ಹಣ ಕಟ್ಟುವ ಮೊತ್ತವನ್ನು ಕಡಿಮೆ ಮಾಡಿಸಿದ್ದಕ್ಕಾಗಿ.
• ಸುರೇಶ್ : ಚಾರಣದ ರೂಪುರೇಷೆಯನ್ನು ನಿರ್ಮಿಸಲು ಅನುವಾಗಿ, Tarpaulin ಅನ್ನು ಹೊತ್ತು ತಂದದ್ದಕ್ಕಾಗಿ.

• ಶಿವ ಕುಮಾರ್:  INDEMNITY BOND ಮುದ್ರಣ ಪ್ರತಿ(Print Out)ಯನ್ನು ತಂದುಕೊಟ್ಟದ್ದಕ್ಕಾಗಿ.

• ವಿನೂತ್ನ - ಅನಾರೋಗ್ಯವಿದ್ದೂ, ತನ್ನ ಮನೋ ಸಾಮರ್ಥ್ಯದಿಂದ ಚಾರಣವನ್ನು ಪೂರ್ಣಗೊಳಿಸಿದ್ದಕ್ಕಾಗಿ.

• ಅನಾಮಿಕ( ಪರ್ಸ್ ಕಳೆದುಕೊಂಡವರು)  -BASC ನಿಧಿಗಾಗಿ ಪರೋಕ್ಷವಾಗಿ ಧನ ಸಹಾಯ ಮಾಡಿದ್ದಕ್ಕಾಗಿ.

• ಇತರೆ ಎಲ್ಲಾ ಸಹ ಚಾರಣಿಗರು - ಎಳ್ಳಷ್ಟೂ ನಖರಾ ಮಾಡದೆ ಅತ್ಯುತ್ತಮ ರೀತಿಯಲ್ಲಿ ಸಹಕರಿಸಿದ್ದಕ್ಕಾಗಿ. 

ಮಾಹಿತಿ:

ಸ್ಥಳ: ಕುಮಾರ ಪರ್ವತ ( KUMARA PARVATA-KP ) - ಸುಳ್ಯ ತಾಲೂಕು, ದಕ್ಷಿಣ ಕನ್ನಡ, ಕರ್ನಾಟಕ.

ಚಾರಣ ಶುರು ಮಾಡುವ ಸ್ಥಳ: ಕುಕ್ಕೆ/ ಸೋಮವಾರಪೇಟೆ

ದೂರ: ಬೆಂಗಳೂರಿನಿಂದ  282 ಕಿ.ಮೀ. (ಕುಕ್ಕೆ) / 234 ಕಿ.ಮೀ( ಸೋಮವಾರಪೇಟೆ )
 
ತಲುಪುವ ಬಗೆ: ಸ್ವಂತ ವಾಹನ/ ಬಸ್ಸು/ರೈಲು( ಸುಬ್ರಮಣ್ಯ ರೋಡ್ ವರೆಗು)

ಮಾರ್ಗ: 
ಬೆಂಗಳೂರು( NH 73 Highway)-ಕುಣಿಗಲ್-ಚನ್ನರಾಯಪಟ್ಟಣ-ಸಕಲೇಶಪುರ-ಮಂಜರಾಬಾದ್ ಕೋಟೆ-ಕುಕ್ಕೆ    
ಬೆಂಗಳೂರು ( NH 73 Highway) - ಕುಣಿಗಲ್ - ಚನ್ನರಾಯಪಟ್ಟಣ - ಹೊಳೆನರಸೀಪುರ - ಸೋಮವಾರಪೇಟೆ

ಭಟ್ಟರ ಮನೆ - 1 ಊಟಕ್ಕೆ 80 ರೂ.
ಅರಣ್ಯ ಇಲಾಖೆಯಲ್ಲಿ ಚಾರಣ ಮಾಡಲು - ತಲಾ 200 ರೂ. 
ಕುಮಾರ ಧಾರಾ ನದಿಯಲ್ಲಿ ಸ್ನಾನ ಮಾಡಿದ ನಂತರ ಬಟ್ಟೆ ಬದಲಿಸಲು ಕಬ್ಬಿಣದ ಸಣ್ಣ ಕೋಣೆಗಳಿವೆ.

ಪ್ರವಾಸ ಕಥನ - ಶೃಂಗೇರಿ, ಕುದುರೆಮುಖ, ಹೊರನಾಡು - 27 & 28 ಅಕ್ಟೋಬರ್

ಶುಕ್ರವಾರ(26.10.2012) ರಾತ್ರಿ ವಿನಯ್ KGS ಕಳುಹಿಸಿದ ಇ-ಮೇಲ್ ನಂತೆ ಎಲ್ಲರೂ ಶಾಂತಲಾ ರೇಷ್ಮೆ ಅಂಗಡಿ( Shantala Silk House),ಕೆಂಪೇಗೌಡ ಬಸ್ ನಿಲ್ದಾಣದ ಹತ್ತಿರ ರಾತ್ರಿ ಸುಮಾರು 10ರ ಹೊತ್ತಿಗೆ ಸೇರಿದೆವು. 10:30ರ ಹೊತ್ತಿಗೆ ಬೆಂಗಳೂರಿನಿಂದ ಹೊರಟ ನಾವು ಸ್ವಲ್ಪ ದೂರ ಕ್ರಮಿಸುವಷ್ಟರಲ್ಲಿ ನಮ್ಮ ವಾಹನ ಪೆಟ್ರೋಲ್ ಬಂಕ್ ಬಳಿ ನಿಂತು ಹೋಯಿತು. ಚಾಲಕ ಎಲ್ಲರನ್ನೂ ಕೆಳಗಿಳಿಯಲು ಹೇಳಿದರು. ನಾನು ಏಕೆ ಎಂದು ಯೋಚಿಸ್ತಿದ್ದೆ, ಅಷ್ಟು ಹೊತ್ತಿಗೆ ವೀರೇ೦ದರ್ धक्का देना है ಅಂದ. ಅಯ್ಯೋ ತಳ್ಳೋ ಮಾಡೆಲ್ ಗಾಡೀಲಿ ನಿಜಕ್ಕೂ ನಾವು ಶೃಂಗೇರಿ ಸೇರ್ತೀವ ಅನ್ನಿಸಿಬಿಡ್ತು. ಎಲ್ಲಾ ಗಂಡ್ ಹೈಕ್ಳು ಕೆಳಗಿಳ್ದು, ಸಾಹಸ ಮಾಡಿ ಗಾಡಿಯನ್ನು ಮುಂದೂಡಿ ಗಾಡಿ ಶುರುವಾದ ನಂತರ ಹತ್ತಿದರು. ವಿನಯ್ KGS ತಂದ ಸಿದ್ಲಿಂಗು ಚಲನ ಚಿತ್ರದ CD ಯನ್ನು ಹಾಕಲಾಯಿತು. ಎಲ್ಲರೂ ಚಿತ್ರವನ್ನು ತುಂಬಾನೇ ಖುಷಿಯಿಂದ ಆಸ್ವಾದಿಸುತ್ತಿದ್ದರು. ಮೊದಲೇ ಆಯೋಜಿಸಿದಂತೆ ಸರಿಯಾಗಿ 12 ಗಂಟೆ ಹೊತ್ತಿಗೆ ಚಿತ್ರಕ್ಕೆ ತಾತ್ಕಾಲಿಕ ತಡೆ ಹಾಕಿ( Pause ), ಅವಿನಾಶ್ ಹುಟ್ಟು ಹಬ್ಬವನ್ನು ಸುಂಕ ಪಾವತಿ ಕೇಂದ್ರ(TOLL GATE)ದ ಬಳಿ ಆಚರಿಸಿದೆವು. ಕೇಕ್ ಅನ್ನು ಕತ್ತರಿಸಲು ಅವಿ ಏನೋ ಕೌತುಕತೆಯಿಂದ ಸಿದ್ಧವಾಗಿದ್ದ. ಆದರೆ ನಮ್ಮ ವಿನಯ್ KGS ಕ್ಯಾಮೆರಾವನ್ನು ಬ್ಯಾಗ್ ನಿಂದ ತೆಗೆದು ಕ್ಲಿಕ್ಕಿಸಲು ಸ್ವಲ್ಪ ತಡಮಾಡಿದ.
( ನಮ್ಮ ಮಂದಿ ಕ್ಯಾಮೆರಾಗೆ ಪೋಸು ಕೊಡೋಕೆ ಎಷ್ಟು ಉತ್ಸುಕರಾಗಿರುತ್ತಾರೆ ಎಂದರೆ 12:07 ತೋರಿಸುತ್ತಿದ್ದ ಗಡಿಯಾರಾನ 12:00 ಎಂದು ಮಾಡೋಕ್ಕೂ ಇವರು ಸಿದ್ಧ!!)

ನಾವು ಶೃಂಗೇರಿ ತಲುಪುವಷ್ಟರಲ್ಲಿ ಸಮಯ ಬೆಳಗ್ಗೆ 7 ಗಂಟೆ( 27.10.2012). ವೀರಾಧಿವೀರರಾದ ವಿನಯ್ KGS ಮತ್ತು ವಿಶ್ವನಾಥ್ ಬಣಕಾರ್ ಎಲ್ಲೆಲ್ಲೋ ಅಲೆದು, ಕಡೆಗೂ ಕಷ್ಟಪಟ್ಟು ಹುಡುಕಿ ಗೊತ್ತು ಮಾಡಿದ್ದ ವಿಶ್ರಾಂತಿ ಗೃಹದಲ್ಲಿ ಸ್ನಾನ ಮುಗಿಸಿ ದೇವರ ದರ್ಶನಕ್ಕೆ ಹೋಗುವ ಹೊತ್ತಿಗೆ 9 ಗಂಟೆ.

ಶೃಂಗೇರಿ - ಶಾರದಾಂಬೆಯ ಸನ್ನಿಧಿ

ಶೃಂಗೇರಿ - ಶಾರದಾಂಬೆಯ ಸನ್ನಿಧಿ

ಭವ್ಯವಾಗಿ ಕಂಗೊಳಿಸುತ್ತಿದ್ದ ವೀಣಾಧರಿ ಬಂಗಾರ ಶಾರದೆಗೆ ನಮಿಸಿ ಚಿರ ಶಾಂತಿ ನೀಡೆಂದು ಪ್ರಾರ್ಥಿಸಿದೆವು. ನಂತರ ಪಕ್ಕದ ಹೊಯ್ಸಳ ಶೈಲಿಯ ದೇವಸ್ಥಾನಕ್ಕೆ ಭೇಟಿಯಿತ್ತು, ಅಲ್ಲಿನ ಶ್ರೀಗಂಧದ ಸರಸ್ವತಿಯನ್ನು ಕಂಡೆವು. ದೇವಸ್ಥಾನದ ಹೊರಭಾಗದಲ್ಲಿ ಇಷ್ಟ ದೇವರೊಂದಿದೆ, ಅದನ್ನು ತೋರಿಸಿ ವಿನಯ್ ಮತ್ತು ಅವಿಗೆ  ಮನದ ಇಚ್ಛೆಯನ್ನು ಬೇಡಲು ಹೇಳಿದೆ. ವಿನಯ್ ಅಂತು ದೀರ್ಘ ದಂಡ ನಮಸ್ಕಾರವನ್ನೇ ಹಾಕಿಬಿಟ್ಟ! ಏನ್ ಕೇಳ್ಕೊಂಡ್ಯಪ್ಪ ಅಂತ ಕೇಳ್ದ್ರೆ SECRET ಅಂದ್ಬಿಡೋದಾ! :-(

ಶೃಂಗೇರಿ

ಪಕ್ಕದಲ್ಲೇ ಹರಿಯುತ್ತಿದ್ದ ತುಂಗಾ ನದಿಯ ಬಳಿ ಮಂಡಕ್ಕಿ(ಪುರಿ) ಯೊಂದಿಗೆ ತೆರಳಿದೆವು. ಮೀನಿಗೆ ಮಂಡಕ್ಕಿಯನ್ನು ಹಾಕಿದಾಗ ಅವು ಅದನ್ನು ಕಣ್ಣೆತ್ತಿಯೂ ಸಹ ನೋಡಲಿಲ್ಲ. ಕಾಸು ಕೊಟ್ಟು ತಂದಿದ್ದಲ್ವ, ಜೊತೆಗೆ ನಮ್ಮ ಹೊಟ್ಟೆಯೂ ಚುರುಗುಟ್ಟುತ್ತಿತ್ತು ಇನ್ನೇನು ಮಾಡೋದು ಅಂತ ನಾವೇ ಅದನ್ನು ತಿನ್ನೋಕೆ ಶುರು ಮಾಡಿದೆವು. ಸ್ವಲ್ಪವೇ ತಿನ್ನುವಷ್ಟರಲ್ಲಿ ನನಗೆ ಜ್ಞಾನೋದಯ ಆಗೋಯ್ತು ಯಾಕೆ ಮೀನುಗಳು ಇದನ್ನು ಮುಟ್ಟಲಿಲ್ಲ ಅಂತ.
( ಒಂದು ದಿನ ಅರ್ಧ ಲೀಟರ್ ಮಂಡಕ್ಕೀನ  ಎಲ್ರೂ ಸೇರಿ ಖಾಲಿ ಮಾಡಕ್ಕೆ ನಮಗೆ ಆಗ್ಲಿಲ್ಲ, ಇನ್ನು ಎಷ್ಟೋ ವರ್ಷಗಳಿಂದ ಪಾಪ ಅದನ್ನೇ ಅವು ಹೇಗೆ ತಾನೇ ತಿಂದಾವು- ಮೀನುಗಳೂ ಬದಲಾವಣೆ ಬಯಸೋದ್ರಲ್ಲಿ ತಪ್ಪೇನಿದೆ!!!???)

ಶೃಂಗೇರಿ - ತುಂಗಾನದಿ

ಆದರೂ, ಎಲ್ಲಾ ಗಡವ ಮೀನುಗಳೇ ಅಲ್ಲಿ. ಹುಡುಕುದ್ರೂ ಒಂದೂ ನನ್ನ SIZEದು ಇಲ್ವಲ್ಲೋ ಅಂತ ಅವಿಗೆ ಹೇಳ್ತಿದ್ದೆ. ಉಪಹಾರ ಮಂದಿರದಲ್ಲಿ ತಿಂಡಿ ಮುಗಿಸಿ ನಮ್ಮ ಪಯಣ ಹನುಮಾನ್ ಗುಂಡಿ( ಸೂತನಬ್ಬಿ ಎಂಬ ಹೆಸರೂ ಇದೆ )ಯತ್ತ ಸಾಗಿತು. ಜಲಪಾತದಡಿಯಲ್ಲಿ ಮನಸೋ ತೃಪ್ತಿ ಆಡಿದ ನಾವು ಇನ್ನೇನು ಹೊರಡಬೇಕೆನ್ನುವಷ್ಟರಲ್ಲಿ ವರುಣ್ ಮೂಗಿಗೆ ಪೆಟ್ಟು ಮಾಡಿಕೊಂಡ.
(ಅವಿನಾಶ್ ಹೇಳಿದ ಪ್ರಕಾರ ಅವನ ಹತ್ತಿರ ಆಶೀರ್ವಾದ ಪಡೆಯಲು ಹೋಗಿ ವರುಣ್ ಬಂಡೆಗೆ ಮುಖ ಹೊಡೆದುಕೊಂಡ - ಸಮಗ್ರ ತನಿಖೆಯ ನಂತರ ಸತ್ಯಾಂಶ ಹೊರಬೀಳುವುದು).

ಹನುಮಾನ್ ಗುಂಡಿ( ಸೂತನಬ್ಬಿ)

ಮುಂದೆ ಗಂಗಾಮೂಲ/ವರಾಹ ಪರ್ವತ ( ತುಂಗಾ, ಭದ್ರ ಮತ್ತು ನೇತ್ರಾವತಿ ನದಿಗಳ ಉಗಮ ಸ್ಥಾನ) ಕ್ಕೆ ತಲುಪಿದೆವು. ಸ್ವಲ್ಪ ತಲೆ ನೋಯುತ್ತಿದ್ದ ಕಾರಣ ನಾನು ಬಸ್ಸಿನಲ್ಲೇ ಉಳಿದೆ. ಆದ್ದರಿಂದ ಇದರ ಬಗ್ಗೆ ಹೆಚ್ಚಿನದೇನನ್ನು ಬರೆಯುತ್ತಿಲ್ಲ.
ನಂತರ ನಮ್ಮ ಸವಾರಿ ಲಕ್ಯಾ ಅಣೆಕಟ್ಟಿನತ್ತ ಸಾಗಿತು. ಅಲ್ಲಿ ಎಲ್ಲರೂ ಗುಂಪು ಛಾಯಾಚಿತ್ರ(GROUP  PHOTO) ತೆಗೆಸಿಕೊಳ್ಳಲು ಅಲ್ಲಿ ಬಂದಿದ್ದ ಪ್ರವಾಸಿ, "ನಂದ" ರವರ ಸಹಾಯ ಕೇಳಿದೆವು. ಎಲ್ಲರನ್ನು ಕಟ್ಟೆಯ ಆಚೆ ಬದಿಯಲ್ಲಿ ಕುಳಿತು ಹಿಂದೆ ತಿರುಗಿ ನೋಡಿ ಎಂದು ಹೇಳಿದರು. ನಾವೇನೋ ಫೋಟೋಗಾಗಿ ಅವರ ತಾಳಕ್ಕೆ ತಕ್ಕಂತೆ ಕುಣಿದೆವು (ಅಂದರೆ ಕುಳಿತೆವು) ಆದರೆ ಎಲ್ಲಿ ಕ್ಯಾಮೆರ ಎತ್ತುಕೊಂಡು ಓಡಿಹೋಗುವರೋ ಎಂಬ ಸಣ್ಣ ಅಳುಕು( ಮನುಷ್ಯ ಮನುಷ್ಯನನ್ನೇ ನಂಬದ ಪರಿಸ್ಥಿತಿಗೆ ನಾವಿಂದು ಬಂದು ತಲುಪಿದ್ದೇವೆ). ಪುಣ್ಯಕ್ಕೆ ಆಸಾಮಿ ಹಾಗೇನೂ ಮಾಡದೆ ನಮಗೆ ಸುಂದರ ಛಾಯಾಚಿತ್ರವನ್ನು ತೆಗೆದುಕೊಟ್ಟು ಕ್ಯಾಮೆರಾವನ್ನು ಕೈಗಿತ್ತು ತಮ್ಮ ಹಾದಿ ಹಿಡಿದರು. - ಆ ಕ್ಷಣದಲ್ಲಿ ನಮ್ಮ ನಾಗ್ ಸೋದರರ ಮಿಂಚಿನ ಓಟ ಚಿತ್ರದ ಹಾಡೊಂದು ಮನದಲ್ಲಿ ಮಿಂಚಿ ಮರೆಯಾಯಿತು( ಹಾಡು - ಬೆಳ್ಳಿ ಮೋಡ ಹತ್ತುತ್ತ, ಬಡತನ ಸುಡುತ್ತ - ಈ ಹಾಡಿನಲ್ಲಿ ಅವರು ಫೋಟೋ ತೆಗೆಯುತ್ತ ಕಾರಿನೊಂದಿಗೆ ಪರಾರಿಯಾಗುತ್ತಾರೆ).
ಕಬ್ಬಿಣದ ಖನಿಜಕ್ಕಾಗಿ ಗಣಿಗಾರಿಕೆ ನಡೆದು ಸರ್ಕಾರೇತರ ಸಂಸ್ಥೆ( Non - Government Organisation - NGO )ಯ ಪಶ್ಚಿಮ ಘಟ್ಟಗಳ ರಕ್ಷಣೆಗೆಂದು ನಡೆದ ಸತತ ಹೋರಾಟದ ಪರಿಶ್ರಮದ ಫಲವಾಗಿ ಈಗ ಗಣಿಗಾರಿಕೆಯು ನಿಂತಿದೆ. ಈ ಸುಂದರ ಪ್ರಕೃತಿಯು ಬರಿ ಮಣ್ಣಲ್ಲದೆ ನಿಸರ್ಗಧಾಮವಾಗಿ ರೂಪುಗೊಂಡಿದೆ. ಒಂದು ಉತ್ತಮ ಪ್ರವಾಸೀ ತಾಣವಾಗಬೇಕಾದ ಎಲ್ಲಾ ಲಕ್ಷಣಗಳೂ ಇದಕ್ಕಿದ್ದು, ಸರ್ಕಾರ ಲಕ್ಯಾ ಅಣೆಕಟ್ಟಿನ ಅಭಿವೃದ್ಧಿಯತ್ತ ಲಕ್ಷ್ಯ ವಹಿಸಬೇಕಾಗಿದೆ.

ಲಕ್ಯಾ ಅಣೆಕಟ್ಟು

ಅಲ್ಲಿಂದ ನಾವು ಅರಣ್ಯ ಇಲಾಖೆಗೆ ಭೇಟಿಯಿತ್ತು, ಕುರಿಂಜಾಲ್  ಅರಣ್ಯ ಪ್ರದೇಶವನ್ನು ಚಾರಣ ಮಾಡಲು ಅಪ್ಪಣೆ ಚೀಟಿಯನ್ನು  ಕೇಳಿದೆವು. ತಲಾ 275ರೂ. ಎಂದು ಹೇಳಿದರು ಮತ್ತು ನಮ್ಮ ಗುರುತಿನ ಚೀಟಿಯ ನಕಲು ಪ್ರತಿ(PHOTO COPY) ಯನ್ನು ನೀಡಿ, ಮೂಲ ಪ್ರತಿಯನ್ನು ತೋರಿಸಲು ಹೇಳಿದರು. ನನ್ನ ಸ್ನೇಹಿತೆ ದೀಪಾಳ ಭಾವ ನವೀನ್ ಚಿಕ್ಕಮಗಳೂರಿನ ಅರಣ್ಯ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವುದು ನೆನಪಿಗೆ ಬಂದು ಅವರಿಗೆ ದೂರವಾಣಿಯನ್ನು ಮಾಡಿ ಸಹಾಯ ಕೇಳಿದೆ. ಕುದುರೆಮುಖ ಅರಣ್ಯ ಪ್ರದೇಶವು ಮಂಗಳೂರು ವಲಯಕ್ಕೆ ಸೇರಿದ್ದು, ನವೀನ್ ಭಾವರವರ ಮಂಗಳೂರಿನ ಅಧಿಕಾರಿಯೊಟ್ಟಿಗಿನ ಮಾತುಕತೆಯ ನಂತರ ಅರಣ್ಯ ಇಲಾಖೆಯವರು ನಮಗೆ 50% ರಿಯಾಯಿತಿಯನ್ನು ಕೊಟ್ಟರು.

ಜಿತೇಂದ್ರ ಅವರ ಚಿಕ್ಕಪ್ಪನವರು ನಮಗೆಂದೇ ಒಂದು ಖಾಲಿ ಕ್ವಾಟ್ರಸ್ ಮನೆ(ಕನ್ನಡದಲ್ಲಿ ಕೇರಿ ಮನೆ ಅನ್ನೋದಕ್ಕೆ ಕೆಟ್ಟದಾಗಿರುತ್ತೆ ಅನ್ನಿಸ್ತು ಅದಕ್ಕೆ ಕ್ವಾಟ್ರಸ್ ಎಂದೇ ಬರೆದಿದ್ದೇನೆ)ಯನ್ನು ಶುಚಿಮಾಡಿಸಿಟ್ಟಿದ್ದರು. ಆ ಮನೆಯನ್ನು ಹೊಕ್ಕು ಅಲ್ಲಿ ಎಲ್ಲರೂ ಸ್ವಲ್ಪ ವಿಶ್ರಾಂತಿ ತೆಗೆದುಕೊಳ್ಳುವ ಹೊತ್ತಿಗೆ ಜಿತೇಂದ್ರ, ರಾಜೇಶ್ ಅವರ ಚಿಕ್ಕಪ್ಪ, ಚಿಕ್ಕಮ್ಮರವರೊಡಗೂಡಿ ಬಿಸಿ ಬಿಸಿ ಊಟ ತಂದರು. ಅನ್ನ, ಹುಳಿ(ಸಾಂಬಾರ್) ಮತ್ತು ಪಲ್ಯವನ್ನು ಭರ್ಜರಿಯಾಗಿ ತಿಂದ ನಾವು ಬಾಸ್ಕ್(BASC) ನ ನಿಯಮದಂತೆ ಎಲ್ಲರ ಸ್ವ-ಪರಿಚಯಕ್ಕಾಗಿ ಒಟ್ಟಾಗಿ ಕುಳಿತೆವು.

ವಿಶೇಷ ಪ್ರದರ್ಶನ ನೀಡಿದವರ ಪಟ್ಟಿ:

• ಸುಮಂತ್(ಪಿ.ಕಾಳಿಂಗರಾವ್ ರವರ ಮೊಮ್ಮಗನಾಗಿ ಹಾಡು ಹೇಳೋ ಅಂದ್ರೆ ಎಷ್ಟು ಸಮಯ ತೊಗೊಂಡ ಬಡ್ಡಿ ಮಗ- ಮಸ್ಕಾ ಹೊಡೆಯೋಕೆ ಖರ್ಚಾದ ಬೆಣ್ಣೆ- 3 ಕಿ.ಗ್ರಾಂ.), ವಿಶ್ವಾಸ್(ಅನಿಸುತಿದೆ ಯಾಕೋ ಇಂದು-ಮುಂಗಾರು ಮಳೆ ), ಚಿರಾಗ್(ಯಾವ್ದೋ ಮರ್ತೊಗಿದೆ :( - ಹಿಂದಿ ಭಾಷೆದು ಅಂತಷ್ಟೇ ನೆನಪಿರೋದು ) - ತಮ್ಮ ಕಂಠ ಸಿರಿಗಾಗಿ

• ಸ್ವಪ್ನಿಲ್ - ಉಲ್ಟಾ ಇಂಗ್ಲೀಷ್ ವರ್ಣಮಾಲೆ ಹೇಳಿದ್ದಕ್ಕಾಗಿ.

• ವಿನಯ್ ನಾಗರಾಜು - ಮಿಕ್ಸ್ಚರ್ ಕೊಟ್ಟು ಹುಡುಗೀನ ಹೇಗೆ ಪಾಟಾಯ್ಸ್ಕೊಳೋದು ಅಂತ ತೋರಿಸಿಕೊಟ್ಟದ್ದಕ್ಕಾಗಿ.

• ಹರ್ಷ್ ಮತ್ತು BIRTHDAY BOY ಅವಿನಾಶ್ - ತಮ್ಮ ಅಖಂಡ ನೆನಪಿನ ಶಕ್ತಿಗಾಗಿ( ಪ್ರತಿಯೊಬ್ಬ ಸಹ ಚಾರಣಿಗರ ಹೆಸರು ಮತ್ತು ಅವರ ಆಸಕ್ತಿಯನ್ನು ತಪ್ಪಿಲ್ಲದಂತೆ ಹೇಳಿದರು)

• ಅಮೋಲ - ಕಾರು ಮಾರುವ ಮತ್ತು ಕೊಳ್ಳುವ ವ್ಯಾಪಾರ ಮಾಡುತ್ತೇನೆಂದು BRAND ಇಲ್ದಿರೋ BISCUIT ಹಾಕಿದ್ದಕ್ಕೆ.

• ಗೌತಮ್ - ಸಚಿನ್ ತೆಂಡೂಲ್ಕರ್ ರವರ ಬಹು ದೊಡ್ಡ ಅಭಿಮಾನಿಯಾದ ಇವರು ನಮಗೆ ಹೊಸದಾದ ವಿಶೇಷ ಮಾಹಿತಿಯನ್ನು ನೀಡಿದರು(ತೆಂಡೂಲ್ಕರ್ ಹುಟ್ಟಿದ್ದು 1984!)

• ಮುರಳಿ - ಐಡಿಯಾ ದೂರವಾಣಿಯಲ್ಲಿ ಕೆಲಸ ಮಾಡುವ ಇವರು ಎಷ್ಟು ಚೆನ್ನಾಗಿ ಗ್ರಾಹಕರನ್ನು ಬುಟ್ಟಿಗೆ ಹಾಕಿಕೊಳ್ಳುತ್ತಾರೆ ಎಂಬುದನ್ನು ತೋರಿಸಿಕೊಟ್ಟರು.

• ರಾಜೇಶ್ - ಈ ಗಜಿನಿ ಬಗ್ಗೆ ಏನ್ ಹೇಳೋದ್ ರೀ - ಸತತ 3 ಬಾರಿ ಎಲ್ಲರೂ ತಮ್ಮ ಹೆಸರನ್ನು ಹೇಳಿದರೂ ಕಡೆಗೂ ಇವನು ಯಾರ ಹೆಸರನ್ನು ಸರಿಯಾಗಿ ಹೇಳಲಾರದೆ ಹೋದ. ನನ್ನ ಹೆಸರನ್ನು ವೈಶಾಲಿ ಅಂತ ತುಂಬಾನೇ ಆತ್ಮ ವಿಶ್ವಾಸದಿಂದ ನಿರ್ಧಾರಿತ ಧ್ವನಿಯಲ್ಲಿ ಹೇಳ್ದ ( ನಾನ್ BOOST ಕುಡ್ಯೋದು COMPLAN ಅಲ್ಲ). ಕೇವಲ ಮಿಕ್ಸ್ಚರ್ ಗೋಸ್ಕರ ಹುಡುಗನ ಪ್ರೇಮ ನಿವೇದನೆಯನ್ನು ಒಪ್ಪಿಕೊಂಡ. ಒಟ್ಟಾರೆ ಹೇಳೋದಾದ್ರೆ ನಮ್ಮ ತಂಡದ ಕೇಂದ್ರ ಬಿಂದುವಾಗಿ, ಹಾಸ್ಯ ನಟನಾಗಿ ನಮಗೆಲ್ಲರಿಗೂ ಭರ್ತಿ ಮನರಂಜನೆ ನೀಡಿದ.

ಬೆಳಿಗ್ಗೆ ಹತ್ತಿರದ ಹೋಟೆಲ್ ನಲ್ಲಿ( 28.10.2012 ) ಉಪಹಾರವನ್ನು ಮುಗಿಸಿ ಮಧ್ಯಾಹ್ನಕ್ಕೆಂದು ಬುತ್ತಿ ಕಟ್ಟಿಸಿಕೊಂಡು ಕುರಿಂಜಾಲ್ ಪರ್ವತಾರೋಹಣಕ್ಕೆಂದು ಹೊರಟೆವು. 8:30ಕ್ಕೆ ನಮ್ಮನ್ನು ಸೇರಿಕೊಂಡ ಮಾರ್ಗದರ್ಶಿ(GUIDE)ಗಳಾದ ನಾಗರಾಜ್ ರವರು ಉತ್ಸಾಹಿ ತರುಣನಂತೆ ನಮ್ಮೊಟ್ಟಿಗೆ ಹೆಜ್ಜೆ ಹಾಕಿದರು.

ಆ ಸ್ಥಳದ ಬಗೆಗಿನ ಮಾಹಿತಿ, ಅಲ್ಲಿನ ಆಗು ಹೋಗುಗಳು, ಸರ್ಕಾರದ ಪಾತ್ರ ಮತ್ತು ಇತಿ ಮಿತಿಗಳು ಹೀಗೆ ನಾನಾ ತರಹದ ಮಾಹಿತಿಗಳನ್ನು ನಮಗೆ ನಾಗರಾಜ್ ರವರು ನೀಡುತ್ತಾ ಸಾಗಿದರು. ನಾವು ಎಷ್ಟರ ಮಟ್ಟಿಗೆ ಅದರಲ್ಲಿ ಮುಳುಗಿ ಹೋಗಿದ್ದೆವೆಂದರೆ ನಮ್ಮ ಅಂತಿಮ ಗುರಿ ಬಂದದ್ದೇ ತಿಳಿಯಲಿಲ್ಲ. 

ಮೇಲೆ ಭಾರತೀಯ ಸಂಚಾರ ನಿಗಮದವರು ಒಂದು ಪುಟ್ಟ ಕಟ್ಟಡವನ್ನು ಕಟ್ಟಿದ್ದಾರೆ. ನಾವು ಕೆಲವರು ಅಲ್ಲೇ ತಂಗಿದರೆ ಮತ್ತು ಕೆಲವು ಮಂದಿ ತುತ್ತ ತುದಿಯವರೆಗೂ ಹೋಗಿ ಬಂದು ತಿರುಗಿ ನಮ್ಮನ್ನು ಸೇರಿಕೊಂಡರು. ಅಲ್ಲಿಂದ ಕೆಳಗಿಳಿದು, ಜುಳು ಜುಳು ನಾದ ಮಾಡುತ್ತಾ, ನಿರ್ಮಲವಾಗಿ ನರ್ತಿಸುತ್ತಾ ಸಾಗುತ್ತಿದ್ದ ನೀರಿನಲ್ಲಿ ಮಿಂದು, ಕಟ್ಟಿಸಿಕೊಂಡು ಬಂದ ಪೂರಿ, ಸಾಗುವನ್ನು ತಿಂದು ಹೊರಡುವಷ್ಟರಲ್ಲಿ ಮಧ್ಯಾಹ್ನ 3 ಗಂಟೆ.     

                                                     ಓ ನನ್ನ ತುಂಗೆ, 

ಸಹ್ಯಪರ್ವತ ತೀರ್ಥ ಪೋಷಿತ ತರಂಗೆ,
   ನಿಬಿಡ ವನಮಾಲಿನಿಯೆ, ಪುಣ್ಯಶಾಲಿನಿಯೆ,
      ನೋಡಿದನಿತೂ ನಿನ್ನ ನೋಡಿ ನಾ ತಣಿಯೆ...
                                                        - ಕು.ವೆಂ.ಪು 

ಅಲ್ಲಿಂದ ಹೊರಟು ಸುಮಾರು 6 ಗಂಟೆಯ ಹೊತ್ತಿಗೆ ಹೊರನಾಡು ತಲುಪಿದ ನಾವು, ಅಲ್ಲಿ ತಾಯಿ ಅನ್ನಪೂಣೇಶ್ವರಿಯ ದರ್ಶನಗೈದು,ಬದುಕಿನುದ್ದಕ್ಕೂ ಅನ್ನಕ್ಕೆ ಚ್ಯುತಿ ಬಾರದಂತೆ ನೋಡಿಕೊಳ್ಳೆಂದು ಪ್ರಾರ್ಥಿಸಿ, ಪ್ರಸಾದವನ್ನು ತಿಂದೆವು.  ಅವಿ ಅವನಿಗೆ ಪುಳಿಯೋಗರೆ ಕಡಿಮೆ ಹಾಕಿದರೆಂದು ಗೊಣಗುತ್ತಿದ್ದ. ಆಮೇಲೆ ಅನ್ನಪೂರ್ಣೆಗೆ ಇವನ ಮಾತು ಕೇಳಿಸಿತೆಂದು ತೋರುತ್ತದೆ, ಸಾರಿಗೆಂದು ಅನ್ನ ಹಾಕುವಾಗ ಹೆಚ್ಚಿಗೆ ಹಾಕಿಬಿಟ್ಟರು. ಕಷ್ಟ ಪಟ್ಟು ಅಂತೂ ಅದನ್ನು ಮುಗಿಸಿದ. ಅಲ್ಲಿ ಎಲ್ಲರಿಗೂ ಪ್ರಸಾದವನ್ನು ಚೆಲ್ಲದಂತೆ ಮೊದಲೇ ಸೂಚಿಸಿತ್ತಾದರೂ ವೀರು ಮಾತ್ರ ಅದನ್ನು ಪಾಲಿಸಲಿಲ್ಲ.

ನಂತರ ಕೆಲ ಸ್ನೇಹಿತರೊಟ್ಟಿಗೆ ನಾನು ಸಂಬಾರ ಪದಾರ್ಥಗಳನ್ನು ಕೊಳ್ಳಲು ಹೊರಟೆ. ಸಿದ್ಲಿಂಗು ಚಿತ್ರವನ್ನು ನೋಡಿ ಬಹಳವೇ ಉತ್ಸುಕನಾಗಿದ್ದ ವಿನಯ್ ನಾಗರಾಜು ಮಠ ಚಿತ್ರದ CDಗಾಗಿ ಅಲ್ಲಿ ಹುಡುಕಾಡಿದ. ದುರದೃಷ್ಟವಶಾತ್ ಅವನ ಪ್ರಯತ್ನ ಫಲಿಸಲಿಲ್ಲ. ರಾತ್ರಿ ಸುಮಾರು 9 ಗಂಟೆಗೆ ಹೊರನಾಡಿನಿಂದ ಹೊರಟ ನಾವು, ರಾಜಧಾನಿಯನ್ನು ತಲುಪುವಷ್ಟರಲ್ಲಿ ಮುಂಜಾನೆ 4:45.(30.10.2012)


ಶಾರದಾಂಬೆ ಮತ್ತು ಅನ್ನಪೂರ್ಣೆಯರನ್ನು ನಿರ್ವಿಘ್ನವಾಗಿ ನೋಡಲು ಮತ್ತು ಚಾರಣಕ್ಕೆ ಪರೋಕ್ಷವಾಗಿ ಸಹಾಯ ಮಾಡಿದವರೆಲ್ಲರಿಗೂ  ನನ್ನ ಮನದಾಳದ ಧನ್ಯವಾದಗಳು:

• ನವೀನ್, ಚಿಕ್ಕಮಗಳೂರು - ಚಾರಣದ ಪ್ರವೆಶದರಕ್ಕೆ ರಿಯಾಯಿತಿಯನ್ನು ಕೊಡಿಸಿದ್ದಕ್ಕಾಗಿ.

• ಜಿತೇಂದ್ರ ಮತ್ತು ರಾಜೇಶ್ ಅವರ  ಚಿಕ್ಕಪ್ಪನವರ ಕುಟುಂಬ - ಅನ್ನಪೂರ್ಣೆಶ್ವರಿಯ ಅಪರಾವತಾರವೆಂದೇ ಹೇಳಬೇಕು. ಅತಿಥಿ ಸತ್ಕಾರ ಮಾಡುವುದರಲ್ಲಿ ಎತ್ತಿದ ಕೈ ಎಂದು ತೋರಿಸಿಕೊಟ್ಟರು.

• ವಿನಯ್ KGS - ಚಾರಣದ ಹೊಣೆ ಹೊತ್ತು, ಧುತ್ತೆಂದು ಎದುರಾದ ಕೆಲವು ತಾತ್ಕಾಲಿಕ ಅಡೆತಡೆಗಳನ್ನು ನಿವಾರಿಸಿದ್ದಕ್ಕಾಗಿ.      

ನಮ್ಮ ಇಡೀ ಪ್ರವಾಸದಲ್ಲಿ ಒಂದೇ ಒಂದು ಬೇಸರ ತರಿಸಿದ ಸಂಗತಿ ಎಂದರೆ ಅವಿನಾಶ್ ಗೆ ಯಾರು BIRTHDAY BUMS ಹೊಡಿಲೇ ಇಲ್ಲ :-(

ಟಿ-ಶರ್ಟ್ ಉಲ್ಲೇಖಗಳು

2011ರಲ್ಲಿ ಕುಂಚ ಕನ್ನಡ ಶುಭಾಷಯ ಪತ್ರಗಳು ಅಂತ ಕನ್ನಡ GREETING CARD ಶುರು ಮಾಡ್ದಾಗ ಮುಂದೆ ಕನ್ನಡದ ಉಲ್ಲೇಖಗಳುಳ್ಳ ಟಿ-ಶರ್ಟ್ ಮಾಡ್ಬೇಕು ಅಂತ ನಾನು ಮತ್ತು ಸ್ನೇಹಿತ ವಿನಯ್ ಭಾರಿ ತಲೆ ಕೆಡುಸ್ಕೊಂಡ್ವಿ. ಆಗ ಮನಸ್ಸಿಗನ್ಸಿದ್ದನ್ನ ಒಂದಷ್ಟು ಗೀಚಿದ್ದೆ. ಅನಿವಾರ್ಯ ಕಾರಣಗಳಿಂದ ಅದು ಕೈಗೂಡಲಿಲ್ಲ.

ಈಗ ಬ್ಲಾಗ್ ನಲ್ಲಿ ಬರೀಬೇಕು ಅನ್ನಿಸ್ತು ಬರೀತಿದೀನಿ ....

© ಪಲ್ಲವಿ ರಂಗನಾಥ್ ( ಸ್ವಲ್ಪ ಜಾಸ್ತಿ ಆಯ್ತು ಒಸಿ ಅಡ್ಜಸ್ಟ್ ಮಾಡ್ಕೊಳಿ)

• ನಮ್ ಕನ್ನಡಾನ ಇಷ್ಟ ಪಡೋಕೆ ಕಾವ್ಯ, ಕಗ್ಗ, ಕಾದಂಬರಿ ಎಲ್ಲಾ ಓದ್ಲೇಬೇಕಾ?... ಕನ್ನಡಾನ ಪ್ರೀತ್ಸೋ ಮನಸ್ಸಿದ್ದ್ರೆ ಸಾಲ್ದಾ?!!! 

• ಮಾತು ಯಾವ ಭಾಷೇಲೆ ಆಡ್ರಿ, ಬಯ್ಯೋದ್ ಮಾತ್ರ ಕನ್ನಡದಲ್ಲೇ ಆಗಿರ್ಲಿ, ಆಗ್ಲೇ ಬಯ್ದಿದ್ ಬಾಯ್ಗೂ ಸಮಾದಾನ, ಮನಸ್ಸಿಗೂ ತೃಪ್ತಿ.

               ಹೇಗೆ ಅಂತೀರಾ - Let His Face Burn...ನೋಡಿ ನಿಮ್ಗೇನಾದ್ರು ಅನ್ಸತ್ತಾ ... 
                ಅವ್ನ್ ಮುಖ ಸುಡಾ -ಇದಪ್ಪಾ ನಮ್ ಭಾಷೆ ಗಮ್ಮತ್ತು.

• ನಗುತ ನಗಿಸುತ ಎಲ್ಲರೊಳಗೊಂದಾಗಿ ಬಾಳೋ ಗುಣ ನನ್ನದು, ನಮ್ಮ ಕನ್ನಡಿಗರದು.  
• ನಮ್ ಕನ್ನಡಾನ ನಾನ್ ಮಾತಾಡ್ತೀನಿ ಯಾರ್ ಏನ್ ಕಿತ್ತಾಕ್ಕೊತಾರೋ ಕಿತ್ಹಾಕೊಳ್ಳಿ.
• ನಾವು ಕನ್ನಡಿಗರು ನಮಗದೇ ಹೆಮ್ಮೆ.
• ಕೆಂಪೇಗೌಡ್ರ ನಾಡಲಿ ಕನ್ನಡ ಕಹಳೆ ಮೊಳಗಲಿ ನನ್ನಿಂದಲೇ ಅದು ಮೊದಲಾಗಲಿ.
• ನಾನೇ ಬೇರೆ, ನಾನ್ ಕನ್ನಡಾನ ಪ್ರೀತ್ಸೋ ರೀತೀನೆ ಬೇರೆ. 

ಕುಂಚ ಕನ್ನಡ ಶುಭಾಷಯ ಪತ್ರಗಳು

2011ರಲ್ಲಿ "ಕುಂಚ ಕನ್ನಡ ಶುಭಾಷಯ ಪತ್ರಗಳು" ಅನ್ನೋ ಹೆಸರಿನಲ್ಲಿ, ಕನ್ನಡ GREETINGS CARD ಅನ್ನು ಹೊರತಂದಿದ್ದೆ. ಅನಿವಾರ್ಯ ಕಾರಣಗಳಿಂದ ಅದನ್ನ ಮುಂದುವರೆಸೋಕೆ ಆಗ್ಲಿಲ್ಲ :-(

( ಕರ್ನಾಟಕದಲ್ಲಿ ಕನ್ನಡದ್ದು ಎಂಬ ಸೀಮಿತ ಮಾರುಕಟ್ಟೆಯಲ್ಲಿ ಉಸಿರಾಡೋ ಪ್ರಯತ್ನ ಪಟ್ಟು, ಕಡೆಗೂ ಬದುಕಲಾರದೆ ಕೆಲ ದಿನಗಳಲ್ಲೇ ಜೀವ ಬಿಟ್ಟ ಕೂಸು)



ಮೊದಲ ಅವತರಣಿಕೆಯ ಕೆಲ ಪ್ರತಿ ಇಲ್ಲಿದೆ.

ಒಂದೊಂದು ಪತ್ರದ ಹಿಂದಿನ ಅನುಭವ, ಬರಹ ಮತ್ತು ಛಾಯಾ ಚಿತ್ರಗಳೊಡನೆ ಭಾವನೆಗಳನ್ನು ಸಮ್ಮಿಳಿತಗೊಳಿಸಲು ನಾನು ಪ್ರಯತ್ನಿಸಿದ್ದು, ಎಲ್ಲವನ್ನೂ ನಿಮ್ಮೊಟ್ಟಿಗೆ ಹಂಚಿಕೊಳ್ಳೋ ಒಂದು ಪುಟ್ಟ ಪ್ರಯತ್ನ.

1. ಒಂದು ಮಾತಿದೆ - ಒಂದು ವಸ್ತುವನ್ನು ಪಡೆಯುವವರೆಗೂ ಗಂಡು ಅದನ್ನು ಪಡೆದೇ ತೀರಬೇಕೆಂದು ಪ್ರಯತ್ನಿಸುತ್ತಾನೆ ಮತ್ತು ಹೆಣ್ಣು ಆ ಸಂಬಂಧದ ನಂತರ ಅದನ್ನು ಉಳಿಸಿಕೊಳ್ಳಲು,ಭದ್ರಪಡಿಸಿಕೊಳ್ಳಲು ಪ್ರಯತ್ನಿಸುತ್ತಾಳೆ.

ಈ ಉಲ್ಲೇಖವನ್ನು ಯಾರು ಬರೆದರೋ ಗೊತ್ತಿಲ್ಲ ಇದನ್ನ ಓದಿದ ಮೇಲೆ ನನಗೆ ಅನ್ನಿಸಿದ್ದು - ಒಂದು ಬಾಂಧವ್ಯವನ್ನು ಗಟ್ಟಿಗೊಳಿಸಲು ಚಿಕ್ಕ ಚಿಕ್ಕ ಸಂಗತಿಗಳು ಎಷ್ಟು  ಅನುವಾಗುತ್ತವೆ ಎಂದು. ಆಗ ಜನ್ಮ ತಳೆದದ್ದೆ ಈ ಶುಭಾಷಯ ಪತ್ರದ ಸಾಲುಗಳು. ಸಾಲುಗಳಿಗೆ ಚಿತ್ರದ ರೂಪ ಕೊಟ್ಟು ಜೀವ ತುಂಬುವಲ್ಲಿ ಅಕ್ಕ- ಸುಗಮ, ಭಾವ-ಮಂಜುನಾಥ್, ಸ್ನೇಹಿತರಾದ ವಿಶ್ವನಾಥ್ ಬಣಕಾರ್ ಮತ್ತು ವಿವೇಕ್ ಭಟ್ ರವರ ಶ್ರಮವಿದೆ.

2. ಒಂದು ಹುಡುಗಿಗೆ ತನ್ನ ಪ್ರೇಮನಿವೇದನೆಯನ್ನು ಹೇಳಿಕೊಳ್ಳುವ ಮುನ್ನ ಒಬ್ಬ ಹುಡುಗನಿಗಾಗುವ ತಳಮಳ - ನಿಸಾರ್ ಅಹಮದ್ ರವರ ಒಂದು ಪದ್ಯದ ಸಾಲಿನಂತೆ - ಬರುವೆಯೋ ಬಾರೆಯೋ ಎನ್ನುತಿದೆ ರಮ್ಯೋದ್ಯಾನ(ಹಾಡು-ಮತ್ತದೇ ಸಂಜೆ, ಅದೇ ಬೇಸರ) ಹುಡುಗನ ದ್ವಂದ್ವ ಭಾವನೆಗಳನ್ನ (ಅಂಡು ಸುಟ್ಟ ಬೆಕ್ಕಿನಂತೆ) ಚಿತ್ರದಲ್ಲಿ ಬಿತ್ತರಪಡಿಸಲು ಶ್ರಮ ಪಟ್ಟಿದ್ದು - ವಿವೇಕ್ ಮತ್ತು ಚೇತನ್.
ಚಹಾದ ಬಿಸಿ ಆರುವ ಮುನ್ನ ಬಾ - ಅನ್ನುವ ಧನಾತ್ಮಕ ಭಾವನೆಯ ಸಾಲು ಪತ್ರದ ಇನ್ನೊಂದು ಬದಿಯಲ್ಲಿದೆ.   

3. ಯಾರೋ ಒಂದ್ ಸಲ SMS ಕಳ್ಸಿದ್ರು  I MISS YOU ಅನ್ನೋದಕ್ಕೆ ಕನ್ನಡದಲ್ಲಿ ಏನಂತಾರೆ ಅಂತ - ನೀನು ಇಲ್ಲಿಲ್ಲ ಹಾಗಾಗಿ ನನ್ನಲಿ ನಾನಿಲ್ಲ - ಈ ತರ ಹೇಳ್ಬೋದೇನೋ ಅಂತ ಪ್ರತ್ಯುತ್ತರ ಕಳಿಸಿದ್ದೆ.

ಹುಟ್ಟು ಹಬ್ಬ ಅಂದರೆ ಹೊಸದಿನ, ಹೊಸತನ .... ಎದುರಿಗಿಲ್ಲದೆಯೂ ಎದುರಿಗಿರುವಂತೆ ಶುಭಾಶಯವನ್ನು ಎಷ್ಟು ಪರಿಣಾಮಕಾರಿಯಾಗಿ ಹೇಳಬಹುದು ಎಂದು ಆಲೋಚಿಸಿದಾಗ ಹುಟ್ಟಿದ್ದೇ ಈ ಪತ್ರದ ಸಾಲುಗಳು  ...

4. ಮನುಷ್ಯನಿಗೆ ಗುರಿ ಅನ್ನೋದು ಒಂದು ಇದ್ದರೆ ಏನನ್ನಾದರೂ ಸಾಧಿಸಬಲ್ಲ. ಹಿಂದೆ ಆಗಿದ್ದೆಲ್ಲ BLACK and WHITE ಮುಂದೆ ಇರೋದು COLOURFUL ಅನ್ನೋದನ್ನ ಚಿತ್ರ ಮತ್ತು ಸಾಲುಗಳು ಹೇಳುತ್ತವೆ.

ಯಾರ್ ಬರ್ಲಿ,ಇರ್ಲಿ, ಹೋಗ್ಲಿ ಜೀವನ ಅಂತು ಸಾಗತ್ತೆ. ಆದರೆ ಬದುಕಿಗೊಂದು ಪರಿಪೂರ್ಣತೆ ಬರೋದು? - ಹೇಗೋ ಒಂದು ಅಂತ ಬದುಕ್ದಲೇ ಹೀಗೆ ಅಂತ ಬದುಕ್ದಾಗ.




ಸ್ಪೂರ್ತಿ :

• You are the creator of your own DESTINY - Swamy Vivekananda
• DREAMS is not what you see in sleep, is the thing which doesn't let you to sleep - Dr. APJ Kalam

         ನೀನಿಲ್ಲದೆಯೂ ನಾ ಬದುಕಬಲ್ಲೆ ಎಂಬ ಸಾಲು ಪತ್ರದ ಇನ್ನೊಂದು ಬದಿಯಲ್ಲಿದೆ.

ವಿಶೇಷ ಕೃತಜ್ಞತೆಗಳು:

• ಬೆನ್ನು ತಟ್ಟಿ, ಬೆನ್ನೆಲುಬಾಗಿ ನಿಂತಿದ್ದಕ್ಕಾಗಿ - ವಿವೇಕ್ ಭಟ್, ವಿನಯ್ ಕುಮಾರ್, ಪುಷ್ಯಂತ್, ಅವಿನಾಶ್

• ಫೋಟೋ ಕೃಪೆ: ವಿವೇಕ್ ಭಟ್, ವಿಶ್ವನಾಥ್ ಬಣಕಾರ್, ದೀಪಕ್ ನಾಯಕ್

• ನನ್ನ ತಿಕ್ಕಲುತನವನ್ನೆಲ್ಲಾ ಸಹಿಸಿಕೊಂಡು, ನನ್ನ ಹುಚ್ಚು ಕಲ್ಪನೆ(IDEA)ಗಳಿಗೆ ಜೀವ ತುಂಬಲು ಕ್ಯಾಮೆರಾ ಕಣ್ಣಿಗೆ ಪೋಸು ಕೊಟ್ಟದ್ದಕ್ಕಾಗಿ : ಸುಗಮ, ಮಂಜುನಾಥ್ & ಚೇತನ್
• ಸಹಾಯ - ಜಯಕೀರ್ತಿ & ವಿನಯ್-ತುಮಕೂರು 
•  ಕರಡು ತಿದ್ದಿದ್ದಕ್ಕಾಗಿ - ಹರಿ ಪ್ರಕಾಶ್

Night Trek to Nijagal Betta - 29th & 30th Sep 2012

Even though I love to write my Experience in Kannada this time I am writing in English, since I organized this trek for first time from BASC( Bangalore Ascenders - www.bangaloreascenders.org) and some Non-Kannadigas were part of it.

About Nijgal Betta:

“Nijgal Betta” which is situated in Bangalore -Tumkur Highway(NH-4) near to Dabaspet. Foot steps are there so it is very easy to climb. We Can reach peak in 1 to 1½  hours.

Ruins have their own charm and historical importance and Nijagal Betta is one of those which is the proof of Ruined Kingdom. It is with full of ruined caves, forts and temples.

A mid-seventeenth century fort, build by Chikkadevaraya Wadiyar, adorns this hillock. Here in Nijagal Betta, it’s believed that a war was fought between Hyder Ali and Peshwa Madhav Rao. 

In Durgastamaana Kannada Novel( By T.R.Subbarao famous as ತ.ರ.ಸು) explained about Nijgal fort like how strong that Fort was, how Chitradurga Paalegaara Madakari Nayaka, who supported Hyder Ali acquired Nijgal Fort n all.

Nijagal Mountain

Nijagal Betta - Singing Competition

Nijagal Betta - Kalyani

Nijagal Betta

Nijagal Betta - Ruined Temple

Nijagal Betta

Group Photo in BH Road

 

My Experience:

Contrary to the invite letter, I can no more call it a “Moon Light Night Trek”, as the dear MOON was hiding behind Clouds.  In spite of the last moment intimation, happy that 15 ASCENDers (1 drop & 1 on spot addition) ventured out for this Night Trek (or Treknic in Jinu John’s Language) gathered at our meeting point i.e., Govardhan Theatre(in front of Yeshwanthpur Railway Station) at 9:30 pm and started from there around 10pm. Around 11:10pm, we reached CCD (Café Coffee Day), situated around 55 K.M away from B’lore on Bangalore-Tumkur Highway ( NH-4)and treating CCD as our parking lot, we headed towards Nijgal Betta.Our first break for the night was around 12 midnight, when we had covered more than half the distance and had the Self-introduction session and a bit of ragging.

Here are the peeps who entertained us with their talent:

• Abhinaya- Sung like Usha Uttup
• Viswanath Banakar – Told “A for Apple” for the alphabets (He told many wrong words which is not part of LKG syllabus. For Eg. C for Camera!, which makes me suspect whether he really passed LKG or scrapped thru with the help of fake marks card!!)
• Anuj Agarwal – mimicked Jinu John( Treknic Specialist)
• Ashwin – Acted like a Handloom Weaver
• Jagadeesh & Sayeesha – Briefed us about the Social cause they are part of.
• Ram & Shruthi BK – Sung very beautifully.
• Raveendra – Alphabet game in Kannada like A for Arasa., :D
• Shruthi Revankar - Did Bharathanatyam 2nd Step.

After that bit of fun, we started trekking again and reached the destination by 1:30am. Our efforts to start camp fire was not successful, we lost our patience and dropped the idea.As it started raining, we took shelter under a huge rock.And there, just 4-5 of us started singing Kannada songs, only to realize, slowly everyone had joined us along which turned out to be an unforgettable moment of my life.  Vishwa’s effort to shift to hindi songs were failed by Jagadeesh (who love Tapanguchi songs) who sung songs like “ee nimbe hanninanta hudugi” and Sayeesha who sung “Bidde Bidde bath roomalli” (I don’t know why he fell down in Bath Room, that too in this age!!! ... He is just one month elder than Shruthi)        
                                                                            

Santosh & Ram’s Jugalbandi of Kannada Bhavageete (Light Music) was too good with Harsh’s BGM (Back Ground Music) and Ashwin’s was involved in singing to the core with full of Expression!! After that, we slept for a while and woke up in the morning due to the great Galata by the fellow Trekkers.Needless to say, I woke up scolding them. We ate chapatti, Biscuit and all and started descending in the drizzling rain. We reached CCD at 8:10am ( Sayeesha, Raveendra n Jinu reached at 8:35 and told that they lost the trail – Truth to be discovered yet). 

We headed to Kyatsandra(Towards Tumkur) to have our Breakfast in Pavithra Idly Hotel, which is famous in Karnataka for Tatte Idly (Plate Idly). After finishing our Breakfast and final settlement of trip expenses (which turned out to be only 75Rs. per head, excluding petrol) we headed back B’lore and reached Yaswanthpur by 10:30am.

Behind the Screen (As an organizer) :

As Saturday was a full moon day, I didn’t want to miss out the joy of moon light trekking and was discussing the same with one of my friend on Sat morning.  On an impulse, I sent a SMS to some of my BASC friends, to check would-they join, if I organize one for the night.The 4 positive replies which I got within 15 minutes, made me call Mudassar (BASC pillar) and ask for a permission to organize the trek. He was surprised and expressed his doubt that people may not join on late intimation (as it was already 10:30am).  I convinced him by giving details of the replies I’d got and got the “Go Ahead” signal from him.

It was my first experience as an organizer. I am in BASC since 2010 and attended so many treks, had supported organizers many times. But as an Independent organizer, I was a bit nervous initially and later after meeting everyone at the meeting point my heart beat comes to normal condition!!

In mail I’d mentioned that “Full Moon will give you a warm welcome”, but unfortunately we couldn’t see the Moon and Harsh was pulling my leg by repeatedly asking “where is the MOON?”

Special Thanks to:

Muddassar - For his support and Motivation to organise. 
Shruthi BK - For nice photographs.

Chandrakala Venkatesh- For Proof Reading of this Blog.

Needful Information:

Place: Nijagal, Tumkur Dist. Karnataka

Distance: 55 KM from Bangalore

Nearest Town: Dabaspet

How to Travel : Own Vehicle/ Private Bus (will stop at CCD on Request).

Route: Bangalore-Tumkur Highway(NH-4) – Dabaspet CCD(Café Coffee Day) – Park your Vehicle there n start Trekking – Move little bit say 0.2 KM towards Tumkur – Take left – Go in Tunnel below Railway track – Leads to Nijgal Betta.